Apan gawas kaniya, kinsa man kaha sa mga nasudnong lideres ang may dakong purohan nga mahimong presidente?
Sa akong kabahin posibleng si kanhi Senador Juan Miguel "Migz" Zubiri sa Bukidnon.
Bisan naay nisaway kay nakabenepisyo kuno siya sa dagdag-bawas niadtong 2010, nagpabiling dako ang hatak niya sa katawhan nga nidayeg sa iyang delikadisa sa pag-resign sa puwesto.
Nitambong ako sa usa ka panagtigum sa M4M o "Migz for Mindanao" dinhi sa niaging semana diin siya ang namulong tungod sa pagdapit ni Sir Rolly Pelinggon ug sa abtik niya nga kaabag nga si Junnex Chua.
Nakadayeg ako sa iyang pagmahal sa nasud ug sa mga gihandom alang sa Mindanao. Sama kanato nga tinunay nga taga Mindanao, iyang natuhog ang atong panginahanglan sa kalinaw ug kalamboan, edukasyon alang sa tanan, serbisyong panglawas sama sa "No Balance Billing" nga iyang gisugdan sa probinsiya sa Bukidnon, pag-atiman sa kinaiyahan, ug ang railway system sa Mindanao.
Linkback:
https://tubagbohol.mikeligalig.com/index.php?topic=66436.0