SuperBalita Cebu
Friday, May 17, 2013
KULBAHINAM kaayo ang inihapay sa resulta sa pagka-bise maÂyor sa dakbayan sa Sugbo kaÂgahapon sa gabii apan ang running mate ni Mayor Michael Rama nga si Konsehal Edgardo Labella ang miguwa nga mananog pinaagi sa labaw nga 184 botos batok sa iyang kaatbang nga si Bise Mayor Joy Augustus Young.
Si Labella giproklamar sa Cebu City Board of Canvasser dihang ang tulo ka mga presinto diin depektuso ang mga compact flash (CF) cards niini pormal nang naka-transmit og resulta sa Commission on Elections (Comelec) kagabii.
Nakakuhag 203,267 botos si Labella samtang ang iyang higpit nga kaatbang nga si Young may 203,083 botos.
Ang resulta sa tulo ka mga presinto gikan sa Barangays Mambaling, Luz ug Cambinocot nikaon sa gikuptan nga labaw ni Labella sa sikit kaayo nilang pag-atbang ni Young.
Dihang nisud na ang resulta sa Mambaling nitala og 202,605 ang botos nga nakuha ni Labella samtang 202,083 ang kang Young diin may labaw ang runningmate ni Rama og 329 apan nakuhaan pa kining labaw dihang nisud na usab ang resulta gikan sa Barrio Luz diin 298 nalang ang labaw ni Labella.
Apan, dihang ang resulta na sa Cambinocot ang nisud niabot nalang og 184 ang labaw diin mao kini ang naghatag sa kadaugan ni Labella.
Ang mga tigpaluyo sa Team Rama nga ningadto sa Cebu City Social hall pwerting lipaya dihang nitumaw ang resulta. Dihay mga higayon nga nagsinggit silag “daug na†sa matag higayon nga nisud na ang resulta.
Dihang nakompleto ang resulta si Rama nigakos kang Labella. “We’re happy Team Rama won and we have a goal to serve the people,†nagkanayon si Rama.
Sa iyang bahing, si Labella nipahibawo nga didto ra siya sa prayer room sa Cebu Metropolitan Cathedral samtang naghuwat sa ihap. JECT/Hazel Niña Jorge & Grace Alicamen, CNU Comm Interns
Linkback:
https://tubagbohol.mikeligalig.com/index.php?topic=72894.0
