Gibo milabaw na kang Erap (Banat) Updated March 10, 2010 12:00 AM
CEBU, Philippines - Giapsan na ni kanhi Kalihim sa Depensa Gilberto “Gibo†Teodoro Jr. sa Lakas-Kampi-CMD si kanhi Presidente Joseph “Erap†Ejercito Estrada sa Pwersa ng Masang Pilipino (PMP) sa bag-ohay lang gihimong nasudnong survey,samtang si Sen. Manuel “Manny†Villar sa Nacionalista Party (NP) nag-una na sab kang Sen. Banigno “Noynoy†Aquino.
Sa maong survey, adunay gibanabanang 5,100 ka mga respondent diin ang 4, 947 niini naggikan sa nagkalain-laing sector sa Luzon, Visayas ug Mindanao.
Ang mga respondente gipangutana kun si kinsa sa mga mikandidato pagka-presidente ang may mas maayong plataporma.
Kining maong report gikutlo gikan sa column ni Bobit Avila nga napatik sa usa ka nasudnon ug usab sa Sugbuanong pamantalaan nga mibase usab sa survey sa Parish Pastoral Council for Responsible Voting (PPCRV) ug inabagan sa Campaigns and Image.
Matud pa ni Avila nga ang PPCRV nga survey gihimo gikan sa Pebrero 10 hangtud sa Pebrero 20, 20l0, diin nag-una si Villar sa rating nga 32% itandi kang Aquino nga nakakuha og 23%.,samtang si Teodoro nakakuha og 18% diin unom ka porsiyento nalang ang biya niya sa iyang ig-agaw nga si Noynoy.
Sa maong survey nagpakita usab nga si Estrada anaa na sa ika-upat nga lugar sa rating nga 5.75%.
Matud pa ni Avila nga ang PPCRV-Campaigns and Image survey gihimo ubos sa mando sa mga kompaniya sa United States ug United Kingdom nga pulos adunay mga negosyo dinhi sa Pilipinas.
Samtang ang inilang columnista nga si Belinda Olivares-Cunanan sa iyang column sa usa ka mantalaan nga nagbase sa Manila, nagkanayon nga nakuha na ni Teodoro ang “youth vote†sa mga unang survey susama sa gihimo sa PPCRV gikan sa Enero 20-31 nga inabagan gihapon sa Campaigns and Image.
Miingon si Cunanan nga ang Enero 20-31 nga survey nga gihimo sa 5,100 ka mga respondente sa nagkalainlaing edad, nagpakita nga si Teodoro ang nag-una nga gipili sa mga respondente nga nagpangidaron og 18 ngadto sa 28 anyos ug 29 ngadto sa 39 anyos nga mga botante.
Nagpakita usab ang survey sa PPCRV nga si Teodoro nakakuha og 3.72% nga rating sa 18 ngadto sa 28 anyos nga mga botante samtang si Aquino nakakuha lang og 1.8% ug 1% si Villar.
Sa mga nag-edad og 29 ngadto sa 39 anyos, nag-una si Teodoro nga nakakuha og 3.24% nga rating itandi kang Aquino nga nakakuha lang og 2.76% samtang si Villar nakakuha usab og 1.2%.
Matud pa usab sa PCCRV survey nga bisan paman kung nag-inilugay si Aquino ug Villar sa mga botanting nag-edad og 52 ngadto sa 62 anyos, si Teodoro ikatulo usab sa maong kategoriya nga nakakuha og 4.73% nga rating. Samtang si Erap nagpabilin sa ika-upat nga puwesto sa tanang age categories.
Samtang ang mga political experts nagkanayon nga ang boto sa mga kabatan-onan krusyal sa kadaugan sa presidential race tungod kay ang mga batan-on maoy may pinakadako nga populasyon sa mga botante sa bugnong lugaynon karong Mayo 10.
Midugang usab ang maong mga experts nga ang maong sector maoy pinakamaayong moaninag ug may igong kahigayunan nga mokuha og mga impormasyon gikan sa media ug sa internet mahitungod sa mga kandidato nga mikandidato sa nasudnong posisyon.
Mao nga matod pa nila ang mga batan-ong mga botante dili maimpluwensya sa mga campaign gimmicks ug mga mahalong political advertisements. - Lesley Caminade (BANAT NEWS)
Linkback:
https://tubagbohol.mikeligalig.com/index.php?topic=26054.0
