MikeLigalig.com

TAGBILARAN CITY â€" Positibo ang panglantaw ni Bohol Gob. Edgar Chatto ubos ning bag-ong administrasyon.

Nag-awhag si Chatto sa mga Boholano sa pagsuporta sa bag-ong ad­ministrasyon ubos sa panguna sa bag-ong giproklamar nga si Pre­sident-elect Rodrigo Du­terte ug Vice Presi­dent-elect Leni Robredo diin maoy modumala sa nasod sud sa umaabot nga unom ka tuig.

Bag-uhay lang nga giprokalamar ang duha sa National Board of Canvassers (NBOC) diin nag-una sila si Duterte ug Robredo sa mga boto sa mga Boholano batok sa tagsa-tagsa nila ka mga kaatbang.

Ang pakig-alayon ug pakighiusa maoy importante nga lamas sa pagpadayon sa kaugmaran ug kalamboan ilabina sa probinsya sa Bohol, matod ni Chatto.

Sa iyang 35 ka tuig nga pagpanerbisyo sa pro­­bin­siya, di na bag-o ka­niya ang mga negatibong komento gikan sa uban.

Apan di kini maoy babag aron sa paghunong sa pagkab-ot sa iyang u­­­ban pang mga plano a­­­lang sa probinsiya.

Nitataw ang goberna­dor nga ang maayong re­lasyon ug pagsuporta tali sa probinsya ngadto sa nasyonal nga kagamha­nan adunay dakong ta­bang sa sayon nga pag-asenso sa Bohol. (LTB)


Gipatik sa mantalaang Superbalita Cebu Hunyo 01, 2016.