Tulo ka Binhi sa Rosas Natagak Gikan sa Sungo sa Langgam by Marcelo Geocallo
Tikluhod kong nagtuman sa naandang buhat matag adlaw,
paglinis sa punta sa daro aron isangon sa liog ni Toro;
kabawng panganay
kaabag sa budlay namo ni Catalina sa pagpabarog namo og mga haligi sa among tinakumba.
Sa akong pagtimon kang Toro sa pagbudlayng naandan, hag-as
lang namatikdan ning mga mata nga sa kilid sa tinudlingan may nanurok tulo ka punoan sa nagka-
daiyang bulok sa mga rosas.
Gitutokan ko sa daklit ug gianinaw ang Kahitas-an,
akong panaghap nga
natagak ang mga binhi niini gikan sa sungo sa langgam nga nagpatulot
sa ilang panaw.
Ah, dako kining pulos kanako kay duna na akoy kakuhaan og mga bulak sa panahon nga ipahinumdom ko sa akong kapikas
nga buhi sa gihapon
ang akong paghigugmang tuod
ug lintunganay, tigwagtang sa
nagyunyon nga mga kalaay.
-- Marcelo A. Geocallo
news.mikeligalig.comLinkback:
https://tubagbohol.mikeligalig.com/index.php?topic=121851.0