ANG NANGAGI....
Miluhod kos iyang atubangan ug gikoptan ko iyang duha ka tiil...dayon gihinayhinay nako og hubad ang mga liston sa iyang sapatos.
Ug hihapyod-hapyod ko iyang paa, nga nisiga sa kaputi ug daw dahon sa saluyot nga perting sinawa.
Nakahunahuna ko unsa kaha kanindota ang nagpuyo nga Tinggawong ibabaw niining gigunitan nako nga paa? ANG SUMPAY...Nagkurog ko nga gagunit sa iyang paa.
Di man diay pod sayon ning bation kung atong ikauban ning babaye nga gimahal sulod sa usa ka lawak diin pwedeng mahitabo ang bisang unsang butanga. Nagsagol ang kulba ug kalooy; kabalaka ug kahinam; kahibong ug pangutana; disgrasya ba ni o grasya?
Wa nako kabantay sa sigi nakong hikap sa iyang paa, ni-kisi-kisi na diay si Nethla. "Giloka man na, don, oy." Mitig-ik intawn siya sa gagilok, dang tabon sa iyang baba aron kaha dili molanog ang iyang tingog. Giisa sa kalit iyang tiil, hapit na hinoon maigo akong nang-blushed nga nawong.
"Sorry" dasun niya nga nakabantay nga dool na kaayo iyang tiil.
Nikatawa lang ko ug gipiso nako og dyutay ang braso sa iyang paa...dang tan-aw niya nga nagsige pag ngislit sa kagilok.
Ang balhibo nga pino kaayo sa iyang tiil, daw balhibo sa iring nga maayo kaayo pagkaatiman sa iyang amo. Mao pod ang balhibo nga naa sa iyang mga kamot. Nindto kaayo ang pagkahan-ay nila, sama sila'g mga batang bag-o lang nahimugso nga nipaoraray sa iyang lawas. Pagka-delikado; pagka-inosente; pagka-mahimayaon. Bisan tingali ang langaw nga gustong mo-tugpa niini, mahikalimot kung diing taeha siya gikan.
Nakabantay ko nga aduna man diay awom dapit sa iyang wala nga lukon-lukon. Nisamot kini og kanindot tan-awon taliwa sa puting lawod sa iyang panit. Ako kining gipiso ug unya gihinayhinay kog dool akong nawong aron imbistigahon sa akong madudahong dila, nga gustong musuta kung kini tuldok ba lang sa tinta o timaan sa natawong himaya.
Sa dihang hapit na unta ko mo-tugpa sa maong awom, gibitad akong dawnggan sa usa ka hinay kaayong pwersa nga nihonghong, "Ayaw baaaa, kay gilok kaayo na."
"Nindot lagi kag awom, neth."
"Dah, ayaw nag initi kay mosyagit jud ko ron og imo nang kissan."
"Pwede akong pangitaon ang iyang mga igsoon ani? Ug kung hain sab sila nagtago?", pinapilyo kung pangutana.
Ug mikomo iyang kamot nga nagtan-aw nako dang ngisi nga nag-sugyot og usa ka tilimad-on: Sige buhata na kay nah....ikaw lang jud!
Tinood, bisan nahipos akong atensyon sa iyang makalumay uyamot nga panagway kung tan-awon, nakasiplat kog gamay nga didto sa unahan naa diay usa pa ka awom...
Careless WhisperLinkback:
https://tubagbohol.mikeligalig.com/index.php?topic=18186.0