MikeLigalig.com

By DYTR via PIA
Pag-IBIG, nipasidaan sa publiko batok sa mga scammers

Nipasidaan ang Home Development Mutual Fund (Pag-IBIG Fund) sa publiko batok sa mga scammer nga mag-ingon nga empleyado sila o di kaha mogamit ug pangalan sa mga opisyal sa maong buhatan aron mangayo ug salapi.

Sa usa ka pahayag, gi-klaro sa Pag-IBIG Fund nga ang ilang mga opisyal ug ang ilang buhatan mismo dili konektado niining ilegal nga kalihokan.

“Please be informed that Pag-IBIG Fund officers and Pag-IBIG Fund itself are not in any way connected to this illegal activity,” matud pa sa pahayag sa Pag-IBIG.

(Gusto namo ngamasayran sa tanan nga ang mga opisyal sa Pag-IBIG Fund ug ang mismo nga Pag-IBIG Fund walay kalambigitan niining ilegal nga mga buhat.)

Gi-awhag sa buhatan ang publiko nga mokuha lamang ug mpormasyon gikan sa ilang mga social media channels ug website.

Ang Pag-IBIG mi-awhag usab sa publiko sa pagsumbong ngadto sa mga awtoridad o sa bisan asang buhatan sa Pag-IBIG ug sa mga opisyal niini alang sa tukmang aksyon sa mga magpailang empleyado o mogamit sa pangalan sa ilang mga opisyal.

“We urged the public to immediately report to the authorities or to any Pag-IBIG Fund office any person who misrepresents Pag-IBIG Fund and its officers so that appropriate action can be taken against them,” awhag pa sa Pag-IBIG.

(Amo nga giaghat ang publiko sa pagtaho dayun sa mga tinugyanan o sa buhatan sa Pag-IBIG Fund ni bisan kinsa nga magmantsa sa pangalan sa Pag-IBIG ug sa iyang mga opisyales aron mahimoan gilayon og mga lakang batok kanila.)
PIA


*Work from HOME and launch your own Wordpress blog, business or personal website, or online store at www.dreamhost.com Yes, FREE Wordpress migration from your existing web host.

START your OWN blog site, business or personal website, or e-commerce store at www.bluehost.com - FREE website transfer..

Latest Tubag Bohol Topics



Linkback: https://tubagbohol.mikeligalig.com/index.php?topic=120322.0