Author Topic: More 4Ps Be (Read 378 times)

MikeLigalig.com · « **on:** December 24, 2024, 12:42:23 PM »

𝐃𝐒𝐖𝐃 𝐌𝐎𝐃𝐔𝐆𝐀𝐍𝐆 𝐎𝐆 𝟏.𝟐𝐌 𝐏𝐎𝐎𝐑 𝐇𝐎𝐔𝐒𝐄𝐇𝐎𝐋𝐃𝐒 𝐒𝐀 𝟒𝐏𝐒

Gikonsiderar sa Department of Social Welfare and Development (DSWD) sa dili madugay ang paglakip sa kinatibuk-ang 1,184,768 ka mga panimalay sa Pantawid Pamilyang Pilipino Program (4Ps).

Ang tigpamaba sa DSWD nga si Irene Dumlao niingon nga kapin sa 400,000 ka mga panimalay ang naka-qualify na sa conditional cash transfer scheme, ang flagship antipoverty program sa gobyerno.
Matod ni Dumlao, ang 424,317 ka mga panimalay maoy sunod nga mupuli sa mga benepisyaryo nga bag-o lang natapos sa programa sa “Pugay Tagumpay”.

Sumala sa sukdanan sa programa, ang usa ka panimalay kinahanglang anaa o ubos sa poverty threshold sa ilang probinsiya aron mahimong kwalipikado.

Ang Philippine Statistics Authority (PSA) mitaho nga niadtong 2023, ang poverty threshold maoy labing taas nga P16,046 kada buwan sa Central Luzon, P15,713 sa Metro Manila, ug P15,457 sa Calabarzon (Cavite, Laguna, Batangas, Rizal, ug Quezon). Ang labing ubos kay P12,241 sa Soccsksargen (South Cotabato, Cotabato, Sultan Kudarat, Sarangani, ug General Santos City).

Ubos sa 4Ps, ang matag panimalay makadawat og P750 kada buwan alang sa health needs, P300 matag bata nga anaa sa elementarya, P500 matag bata sa junior high school, ug P700 matag bata sa senior high school.

Tulo ka mga bata matag panimalay mahimong kuwalipikado alang sa monthly payout sulod sa 10 ka bulan sa usa ka tuig sa pagtungha.

Ang panimalay nga nakatuman sa mga requirements makadawat usab og binuwan nga rice subsidy nga P600.

via | Almie Mata

Linkback: https://tubagbohol.mikeligalig.com/index.php?topic=126023.0

MikeLigalig.com

Author Topic: More 4Ps Be (Read 378 times)

MikeLigalig.com

More 4Ps Be