By Joshua Fullido
Naigo sa kilat
1 patay samtang 4 angol human naigo sa sunod-sunod nga pag LiTe didto sa lungsod sa Panglao.
Patay ang biktima nga nailhan sa alyas “Jendel Montesa” 34 anyos , minyo, naigo ug kilat sa dughan samtang nabandahan usab ang kauban niini nga si Cristal Jane Guiritan, 11 anyos, nakaangkon ug labad sa ulo nga pulos nagpoyo sa brgy. Danao, Panglao.
Suma pa ni Guiritan nga sa mga pasado alas 12:30 sa udto kagahapon nga samtang nanginhas sila sa baybayon sa sitio Daurong brgy. Danao , mikalit lang ang pag kusug sa uwan inubanan sa pagkilat-kilat nga miresulta nga naigo ang biktima ug nabandahan siya.
Dugang pa nga direktang miigo ang kilat sa kwentas sa biktima nga nakaingon sa pagkaangol.
Samtang sa laing bahin, laing 3 ka biktima ang naigo sa LiTe didto sa Virgin island , Panglao.
Ang mga biktima nailhan nga sina Inocentes Demigos, 62 anyos, ulitawo, nakaangkon ug paglabad sa ulo ug panakit sa lawas, ug si Jessa Mae Pandan, 16 anyos, ug si Mitch Tabiliran, 19 anyos, pulos nakaangkon ug pamaol sa lawas nga taga brgy. Anislag lungsod sa Corelia.
Gisaysay sa mga biktima nga sa mga pasado ala 1 sa hapon kagahapon nga samtang sakay sila sa Bangka didto sa hunasan sa Virgin island, nangaon sila dihang mikalit lang ang pagkilat ug naigo direkta si Demigos samtang ang 21 ka pasahero nabandahan usab.
Og tungod sa mga minor injuries wala ra gidala sa tambalanan ang uban pasahero apan ang tulo ka biktima gihatud dayon sila sa tambalanan arun sa dinaliang pag-atiman. Pagka karon, nagpaalim pa sila sa angol nga nahiaguman.
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91558.0