Ni Rey Pasaporte (Banat) Updated March 18, 2011 12:00 AM
CEBU, Philippines - Usa ka mabdos ang nalandig sa pribadong tambalanan human nalagpot sa PUJ
nga iyang gisakyan kagahapon pasado alas-10 sa buntag diha sa atubangang bahin sa usa ka
motel nga nahimutang diha sa barangay Carreta ning siyudad.
Si PO2 Wilfredo Caparida sa Traffic Division nga nahinabi sa Banat News mitug-an nga usa
ka Ivy Arpon, 29, nga mabdos apan wala pa mahibaw-i kun pila ka bulan ang tiyan nga
taga General Maxilom Avenue sa barangay Carreta ning siyudad ang natagak.
Wala pa makuha ni Caparida ang kompletong detalye sa maong hitabo apan giingong
paspas kaayo ang gisakyan sa biktima og padagan ug sa pagliko niini nalagpot ang biktima diha sa karsada.
Ang drayber wala pa mopakita sa mga awtoridad atol ning pagsulat sa balita apan giingong naisyuhan
na kini og Temporary Operators Permit (TOP) nga gihuptan ni Caparida kansang apelyedo
giila lang sa pangalan nga Cimafranca. (BANAT NEWS)
Linkback:
https://tubagbohol.mikeligalig.com/index.php?topic=39185.0