Nila ni Rey Pasaporte ug Ria Mae Booc (Banat) Updated March 02, 2011 12:00 AM
CEBU, Philippines - Usa ka biyudo nga 90-anyos nga lolo gipasanginlang milugos sa usa ka lola
nga nagpangidaron og 76-anyos diha sa pinuy-anan sa biktima diha sa usa sa mga bukirang barangay sa lungsod sa Minglanilla.
Nahitabo ang pagpanglugos niadto pang Pebrero 17 pasado alas-5 sa kahaponon ug napasakaan
na og kaso sa kapulisan sa Minglanilla ang suspek diha sa provincial prosecutors niadtong Pebrero 17 adlaw’ng Lunes.
Si PO2 Hazel Tuazon sa Women’s Desk sa Minglanilla Police Station nagkanayon nga ang biktima
mitug-an kanila nga niadtong higayona miuli siya sa ilang balay aron unta mag-init og tubig aron
mamainit sila sa iyang bana nga gikan pang nananom og saging ug lubi diha sa ilang umahan.
Apan sa pag-abot sa biktima sa ilang balay giingong nag-atang nang daan ang suspek ug
gigakos dayon siya samtang nagtalikod.
Matud pa nga sa dihang gilugos na ang biktima giingong wala dayon mogana butang sa
suspek hinungdan nga miluhod kini sa atubangan sa biktima aron kupogan ang biktima.
Sumala pa ni Tuazon nga mikisi-kisi unta ang biktima apan tungod kay may gidak-on ang lawas
sa suspek nalupig siya sa kusog niini hangtud nga milampos gyud ang suspek.
Human mahibawo ang bana sa biktima dali niining giadto ang panimay sa suspek gumikan sa
kasuko ug buot unta kining tigbason apan wala na kini diha sa ilang balay.
Matud sa kapulisan nga mitug-an usab kanila ang biktima nga sa nangaging katuigan gisulayan
unta diay og gakos ang biktima sa suspek apan suwerteng nakadagan ang biktima.
Human mitaho sa kapulisan ang biktima gidala dayon kini sa Pink Room sa Vicente Sotto
Memorial Medical Center (VSMMC) ug nasuta nga nahilabtan gyud kini.
Matud pa sa kapulisan nga ang suspek kasamtangan anaa karun sa ilang pinuy-anan tungod kay
subay sa balaod dili na mahimong prisuhon ang susamang pangidaron apan ang piskalya na maoy
modesisyon sa ilang gisang-at nga sumbong niadtong Lunes. (EIM)(BANAT NEWS)
Linkback:
https://tubagbohol.mikeligalig.com/index.php?topic=38400.0