By RMN Gensan
Deped –Gensan andam tumanon kung imando ang pagkansela sa mga dagkong event sa mga tunghaan gumikan sa COVID 19 scare
General Santos City—Paabuton lang sa Department of Education-Gensan ang mamahimong kamanduan sa Deped Regional Office 12 kabahin na sa mga suhestyon nga pagkansela sa mga aktibidadis sa mga tulunghaan karong bulan sa Marso sama nalang sa graduation rites, kini ang giluwatang pahayag ni Deped Gensan School Division Superintendent Rommel Flores.
Sumala pa ni SDS Flores nga una nang namahayag ang kalihim sa edukasyon nga si Sec. Leonor Briones bahin sa pagkansela sa tanang National ug Regional Activities tungod sa bahad sa Covid 19 apan gipaklaro niini nga wala pa sila nakadawat ug kamanduan nga kanselahon ang mga aktibidadis sa mga Deped Division.
Gipaklaro sab niini nga kung may rekomendasyon ang Enter Agency Task force sa pagkansela sa tanang aktibidadis sa mga eskwelahan lakip na ang pagkansela sa mga graduation rites andam matud pa kining sundon sa Deped Gensan.
Sa karon padayong nagpaabot pa ug kamanduan ang Deped Gensan apan samtang wala pay kamanduan nga gipagawas, magpadayon matud pa ang nakaandam nga mga aktibidadis sa Deped-Gensan Division.(Dave Silagan)
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=92315.0