MGA PRIBADONG KOTSE, MALAMANG GUMARAHE NANG MADALAS SANHI NG P7.00 EXCISE TAX SA GASOLINA
Press Release - “Palagay ko’y maaaring hindi ipapasa ng mga oil firm ang buong bigat ng P7.00 per liter excise tax sa gasolina sa mga motorista,” yan ang sabi ni 1-PACMAN Party-list Representative Michael Romero, ekonomistang may Ph.D. sa Political Economics.
“Alam ng oil firms na price sensitive ang Philippine market. Mag-iingat sila dahil ang gasoline price hike na P7.00 ay maaring magpababa ng demand para sa gasolina. Maaring hindi na dalasan ng mga motorista ang paggamit nila ng kanilang mga sasakyan,” aniya.
“Batay sa mga dati nang ginagawa ng oil firms, maaari nilang utay-utayin ang taas presyo. Maaring P1.50 kada linggo ang dagdag presyo,” dagdag ni Romero.
“Kung maisip ng mga ekonomista ng oil firms na mabigat masyado ang seven pesos, maaaring irekomenda nila na 50 percent hanggang 90 percent lang ng excise tax ang ipapasa sa konsyumer,” aniya.
Nakikinita ni Rep. Romero na maaring magdesisyon ang maraming pamilya na sumakay sa TNVS o kaya ay sa mga point-to-point bus service para makatipid.
“Pagkakataon na rin ng DOTr at MMDA na buhayin ang Pantawid Pasada cash transfers para sa operators at drivers ng public utility jeepneys,” dagdag ni Rep. Romero.
P2.50 kada litro ang ipinataw na excise tax ng TRAIN law sa pag-import ng diesel. (END)
^^^^^^^
Book your place/hotel/apt to stay on your next travel at
www.booking.comLinkback:
https://tubagbohol.mikeligalig.com/index.php?topic=88874.0