Tama ang ginawang pagsusumbong ng isang ordinaryong motoÂrista sa hindi pagtitiket ng isang tauhan ng MMDA kay Kris Aquino na nahuli sa kasong illegal parking sa Quezon City kahapon.
Oo nga naman, dapat pantay-pantay ang lahat.
Walang kinikilingan.. walang pinuprotektahan. Dapat kasuhan ang mga nagkamali at tikitan ang mga lumalabag sa batas-trapiko kahit gaano pa ito kalapit sa First Family.
Magandang aral ang nangyaring ito sa lahat lalo na sa mamamayan na patuloy na nagbabantay kung talagang sinsero si Pangulong Noynoy Aquino sa kanyang mga naging pangako sa sambayanan.
Mabuti na lamang at may nagsusumbong sa mga pang-aabusong nagaganap dahil kapag na-exposed sa media ang katulad ng mga kwentong ganito nagiging leksyon ito sa lahat.. sa panig ng mga taong gobyerno at mga malalapit na kaanak at kaibigan ni PNoy na hindi na talaga uubra pa ang mga pa-VIPs.
Maganda ang ipinakitang simula sa atin ng bagong liderato ng gobyerno at nawa’y magpatuloy pa ito para sa hinahangad na pagbabago nating lahat.
Dapat ding nakabantay tayong lahat sa anumang pang-aabuso sa gobyerno dahil hindi naman talaga agad na malilinis sa korupsyon ang pamahalaan dahil sa matagal nang kurakutang nagaganap sa loob nito. Isumbong agad natin ito kay PNoy kapag may nakita o naamoy tayong kapalpakan dahil sabi nga ng ating Pangulo na tayo ang kanyang Boss! Kaya magbantay tayong lahat.
Linkback:
https://tubagbohol.mikeligalig.com/index.php?topic=31270.0