MikeLigalig.com

Ni Joseph Elvir C. Tubilan

Tuesday, October 11, 2011

GIBALHOG sa bilangguan sa dakbayan sa Naga si Bella Ruby Santos nga gipasanginlang maoy nidagit ug nipatay kang Ellah Joy Pique niadtong Pebrero ning tuiga.

Dihang gipresentar si Santos sa mga ahente sa National Bureau of Investigation (NBI) 7 kagahapon sa buntag kang Regional Trial Court (RTC) Judge Ester Veloso, ang huwes nimando sa pagpriso kaniya sa Naga City Jail.

Have something to report? Tell us in text, photos or videos.

“You will receive and safely keep the accused (Santos) in your custody, subject to the order of the court for the duration of the case,” nagkanayon ang kamanduan ni Veloso ngadto sa BJMP

Wa ray reklamo si Santos nga mabilanggo sa bisan asa nga prisohan human siya masikop didto sa Manila niadtong Biyernes.

Gikataho nga kay ang krimen nahitabo sa lungsod sa Minglanilla, sa Cebu Provincial Detention and Rehabilitation Center (CPDRC) siya prisohon apan sa Naga siya gipabilanggo.

Si Santos nahimuot nga sa ilang dapit ra siya prisohon kay duol ra ang iyang pamilya apan wa siya ganahi kay gamay ra kaayo ang selda.

Siya ang ika-upat nga binilanggo sa female ward sa Naga City Jail diin may tulo ka mga babaye na kining piniriso.

Ang prisohan may kapasidad nga 60 apan ning higayona moabot nag 91 ang mga piniriso.

Si Naga City Jail deputy warden Pidie Hitalada nipasalig nga way “special treatment” nga ihatag kang Santos.

Gipatik sa mantalaang SuperBalita Cebu Oktubre 12, 2011.

Linkback: https://tubagbohol.mikeligalig.com/index.php?topic=37652.0

TF Pique nangandam na sa husay
Ni Rey B. Pasaporte/EIM (Banat) Updated October 13, 2011 12:00 AM Comments (0) View comments

CEBU, Philippines - Karong nabalhog na sa karsel si Bella Ruby Santos nangandam na aron
 mapalig-on sa Task Force Ellah Joy Pique ang ilang kaso aron masigurong makabarog kini sa husay unya
 sa korte sa kasong kidnapping with homicide batok ni Santos ug sa uyab niining Briton nga si Ian Charles Griffiths.

Si Sr. Supt. Patrocinio Comendador, tigpamaba sa task force ug hepe sa kapulisan sa probinsya sa Sugbu sila
sa Children’s Legal Bureau (CLB) ug Criminal Investigation and Detection Group (CIDG)-7 magtigom
aron ilang hisgotan ang sunod nilang lakang.

Wala na supaka sa task force ang desisyon sa korte nga adto prisohon sa Naga City Jail si Santos kinsa
nadakpan ni Arnel Pura sa National Bureau of Investigation (NBI)-7 niadtong Biyernes sa hapon didto
sa SM Mega Mall sa Ortigas sa Mandaluyong City.

 Apan giklaro niya nga usa kini sa ilang hisgotan   kun mosang-at ba sila og motion for reconsideration
sa korte aron mabalhin kini sa Cebu Provincial Detention and Rehabilitation Center (CPDRC) diha sa Kalunasan.

Matud ni Comendador mas maayo nga anha sa CPDRC bilanggoon si Santos kay kun magsugod na ang pagdungog
sa kaso mas duol ra kini sa korte.  - BANAT NEWS

Linkback: https://tubagbohol.mikeligalig.com/index.php?topic=37652.0

nayabag  o nalipay  kay nisikat sa iyang publicity

Linkback: https://tubagbohol.mikeligalig.com/index.php?topic=37652.0

British Embassy mokooperar sa kaso
Friday, October 28, 2011

NIPASALIG ang British Embassy sa Pilipinas og “full cooperation” sa kaso nga giatubang ni Ian Charles Griffiths
may kalambigitan sa pagdagit ug pagpatay kang Ellah Joy Pique niadtong Pebrero ning tuiga.

Si Trevor Lewis, deputy head of mission sa British Embassy, nibisita kang Gob. Gwen Garcia kagahapon sa
hapon diin nangayo siyag update sa kasong kidnapping with homicide nga giatubang ni Griffiths.

Matod ni Garcia nga si Lewis nipasalig kanila sa ilang pagtabang ning kaso nga gikalambigitan ni Griffiths apan ibase sa nalatid sa balaod.

Gikahimuot kaayo sa gobernador ang gipasalig nga kooperasyon sa British Embassy.

Iyang gipahibawo nga ilang gihatagan si Lewis sa “full report” kabahin sa kasong giatubang sa langyaw diin
gikalambigitan usab sa iyang uyab nga si Bella Ruby Santos.

Mga tulo ka buwan pa lang nga ania sa Pilipinas si Lewis.

Gipahibawo usab nila kini nga ang korte nipakanaog nag warrant of arrest aron sikupon si Griffiths.

Diha silang Regional State Prosecutor (RSP) Fernando Gubalane, Cebu Provincial Prosecutor Pepita Jane Petralba
ug ang prosekusyon nga naghupot ning kaso ni Ellah Joy nga gipangulohan ni Cebu Provincial Assistant Prosecutor Petronio Elesterio.

Si Garcia namahayag nga si Lewis nipasalig nga ang kagamhanan sa Britanya motabang sa pagpangita kon asa karon nagtago si Griffiths.

Sa samang kalambuan, si Renante Pique, amahan ni Ellah Joy, nipahibawo nga sa lungsod sa Barili sila managkot unya sa Nobyembre 1.

Matod ni Pique nga bisitahon sa iyang pamilya ang pangpang diin didto gilabay ang iyang anak didto sa Barangay Sayaw.

Nianang pagka-gabii sa samang adlaw, sa sam-ang sa Barangay Pardo, dakbayan sa Sugbo diin anaa gilubong si Ellah Joy sila magbilar.

Kahinumduman nga niadtong Marso, ang Task Force Ellah Joy uban sa amahan sa bata nga si Renante Pique nipasaka og
kaso batok nilang Santos ug Griffiths kay giingong ilang gidagit ang bata dihang nigawas sa tunghaan sa may
Barangay Calajoan, Minglanilla niadtong hapon sa Pebrero 8.

Sa pagka sunod adlaw, napalgan ang says anyos nga bata nga wa nay kinabuhi nga gitagak sa pangpang sa Barangay Guibungan, Barili.

Gipatik sa mantalaang SuperBalita Cebu Oktubre 29, 2011.

Linkback: https://tubagbohol.mikeligalig.com/index.php?topic=37652.0

Managsuong kaluha gi-pick-up

Ni Sheila C. Gravinez

Thursday, November 3, 2011

KALUHA nga magsuon nga mga kanhi testigo sa pagdagit ug pagpatay sa 6-anyos nga si Ellah Joy Pique ang gikataho
nga gipick-up niadtong Sabado sa gabii sa wa mailhing mga tawo sa lungsod sa Minglanilla.

Gibalik ra hinuon sila pagka sunod adlaw nga luwas ug way dautang nahitabo nila ug gihatagan pa og lima
 ka kilong bugas ug tagsa ka P100 matag usa.


Matod ni Cebu Provincial Police Office Director Patrocinio Comendador nga ang inahan sa mga batang lalake
 maoy nitaho sa hitabo ngadto sa kapulisan sa Minglanilla.

Linkback: https://tubagbohol.mikeligalig.com/index.php?topic=37652.0

Bella Ruby positibong gitumbok sa 12-anyos
Nila ni Brenda D. Batuto ug Mylen P. Manto sa The Freeman (Banat) Updated November 16, 2011 12:00 AM Comments (0) View comments

CEBU, Philippines - Positibong gitudlo sa 12-anyos nga batang testigo si Bella Ruby Santos nga maoy usa sa mga midagit sa 6-anyos nga si Ellah Joy Pique atol sa presentasyon niini kagahapon diha sa korte.

Kagahapon sa buntag ang unang presentasyon sa mga ebidensiya sa prosekusyon alang sa “petition for bail” nga giduso sa kampo ni Santos.   Si Prosecutor Petronio Elesterio mibutyag ngadto sa sakop sa media nga ang unang witness sa prosekusyon positibong miila kang Santos. Apan ang abogado sa depensa nga si Rameses Villagonzalo nagkanayon nga ang pagtumbok sa bata kang Santos paborable sa ilang kaso.

“You draw your own conclusion, if nakulatahan pa mi karon mongisi kaha mi?” ni Villagonzalo pa. Si Private Prosecutor Juan Saniel sa Children’s Legal Bureau maoy mipahigayon og direct examination sa 12-anyos diha sa sala ni Judge Ester Veloso sa Regional Trial Court Branch 6.

Ang maong direct examination gipahigayon diha sulod sa chamber wala sa open court tungod kay menor de edad man kini sa tuyo nga dili ma-trauma ang bata ug gitugotan lang ang isi’g ka habig og tag-duha ka abogado diha sa chamber.

Ang amahan ni Ellah Joy nga si Renante Pique ug ang asawa niini wala sad tugoting makasulod ngadto sa chamber.

Atol sa maong hearing adunay gibanabanang 50 ka mga dumadapig ni Santos ang mitambong ug nagsuot og parehong sinina nga nag-ingon nga inosente si Santos ug ang uyab niining Briton nga si Ian Charles Griffiths.

Kahinumduman nga si Ellah Joy ang gidagit niadtong Pebrero 8, 2011 dihang paingon na kining mopauli gikan sa iyang tunghaan sa Calajoan Elementary School ug pagkasunod adlaw napalgan na lang ang iyang patay’ng lawas diha sa bung-aw nga bahin sa lungsod sa Barili. (BANAT NEWS) 

Linkback: https://tubagbohol.mikeligalig.com/index.php?topic=37652.0