Cagayan de Oro: Dalagita ‘gilugos’ sulod sa buwangan (2:51 p.m.)
By Stephanie S. Viovicente
CAGAYAN DE ORO -- Usa ka dalagita ang giingong gilugos sa iyang silingan sulod sa buwangan niadtong niaging adlaw sa Ilaya, Balulang ning dakbayan sa Cagayan de Oro.
Si SPO2 Oliver Enerio sa Police Station 4 (PS4) sa Carmen niila sa biktima nga mao sa Cheza (tinoud ngalan gipugngan), 15, nagpuyo sa Cabañez Compound, Balulang ning siyudad.
Gitumbok nga suspetsado mao si Julio Abellanosa, hingkod ang panuigon ug nagpuyo sa Green Heights, Balulang ning siyudad.
Nasayran nga gihulga ang dalagita sa suspetsado ug giuban kini paingon usa ka buwangan sa maong dapit. Nasayran nga walay tawo ang maong buwangan dihang nahitabo ang insidenti mga alas 3:00 sa hapon niadtong adlawng Sabado.
Nilampos ang suspetsado paglugos sa biktima samtang walay nahimo ang dalagita gani wala na kini makasinggit human gibaharan sa suspetsado. (Sun.Star Super Balita Cagayan de Oro)
Linkback:
https://tubagbohol.mikeligalig.com/index.php?topic=12545.0