Share via facebook Share via linkedin Share via pinterest Share via reddit Share via twitter
Pages:
Actions
  • #21 by avatar_1_1507939928 - Werther-Fieber and other locos de amor - Love Talk Ligalig-Mike on 28 May 2011 xx - Werther-Fieber and other locos de amor - Love Talk
  • Book your travel at www.12go.asia
    Brigada News - source

    Nag-away sa uyab naghikog, patay!

    GITUOHANG nagpakamatay ang 17 anyos nga lalaki human nagkalalis sa iyang uyab ning nakalabay’ng adlaw mga alas 11:58 sa buntag diha sa Purok 15, Villa Hermosa, Lower Wangan, Calinan siyudad sa Davao.
    Giila sa Calinan PNP ang biktima nga  si Rasel Ongoy Sembre, molupyo sa nahisgutang lugar.
    Base sa report gikan sa Calinan Police Station, nasayran nga igo na lamang nadiskubrehan sa igsuon nga si Rodel Sembre ang biktima nga nagbitay sa kahoy ug wala nay kinabuhi kapin 70 metros ang gilay-on gikan sa ilang pinuy-anan.
    Sumala sa inahan niini nga si Doris Sembre, wala matud pa nagkasinabot sa iyang uyab nga wala gikabutyag ang pangalan ang biktima nga misangko ngadto sa panaglalis.
    Apan pagka-ugma, nabalitaan na lamang sa inahan nga nagpakamatay na ang iyang anak pinaagi sa paghigot sa iyang liog ug nagbitay na nga walay kinabuhi.
    Wala matud pay nakitang foul play ang kapulisan sa nahitabo sa lalaki.(Roger G. Abelo)
     
  • #22 by avatar_1_1507939928 - Werther-Fieber and other locos de amor - Love Talk Ligalig-Mike on 28 May 2011 xx - Werther-Fieber and other locos de amor - Love Talk
  • Book your travel at www.12go.asia
    Security Guard Gibiyaan sa uyab naghikog, patay!

    NAKAPLAGAN na lamang sa igsuon niining Barangay Kagawad nga si James Abadilla nga nagbitay ug wala nay kinabuhi ang iyang igsuon human nagpakamatay alas 8:30 Sabado sa gabii sa ilang pinuy-anan, Father Selga, Barangay 8-A, Davao City.

    Ang San Pedro PNP nag-ila sa biktima nga si Ruben Jamison Abadilla, 36 anyos, Security Guard ug nagpuyo sa nahisgutang lugar.
    Si PO2 Danilo Alngog, Duty Investigator sa San Pedro PNP nagbutyag sa iyang spot report nga nadiskubrehan sa igsuon niini ang biktima nga gibitay ang kaugalingon gamit ang liston sa iyang sapatos sulod sa ilang kasilyas.

    Gisulayan pa niini og dala ngadto sa Brokenshire Hospital apan gideklara ni Dr. Benjamin Geli nga patay nang nahidangat ang biktima.
    Dako ang pagtuo sa igsuon niini nga tungod sa pagbulag sa iyang uyab nga si alyas Che-Che nga taga Tagum City hinungdan nga naghikog patay ang biktima.

    Hinuon, padayon pa karong gisuta sa kapulisan kung unsa gayud ang tinuod nga hinungdan nganong nagpakamaty ang lalaki.(Roger G. Abelo) - Brigada News
  • #23 by avatar_1_1507939928 - Werther-Fieber and other locos de amor - Love Talk Ligalig-Mike on 28 May 2011 xx - Werther-Fieber and other locos de amor - Love Talk
  • Book your travel at www.12go.asia
    Ni Guam P. Logroño

    LAIN na sab nga hitabo nga natukma sa kantang “Too Much Love Will Kill You” ang nakapaukay sa mga lumolupyo sa Pinamungahan, Sugbo.

    Kini human usa ka construction worker nipusil patay sa iyang hinigugma sa daruhan dayon nagpusil sa iyang ulo ug namatay kagahapon sa alas 11:20 sa buntag sa Sitio Mabini, Barangay Tajao, sa maong lungsod.

    Nabuak ang ulo ni Rene Cano, kapin sa 30 anyos ang panuigon, human nilapos ang bala sa .38 revolver gikan sa tuong bahin sa ulo ulo babaw sa dungan nga nilapos sa walang bahin dihang iyang gidul-it sa pagpusil ang iyang kaugalingon.

    Apan sa wa pa siya nagpakamatay, gipusil niyang daan ang iyang hinigugmang si Victoria Marter, 41, buwag sa bana, kinsa unom na ka tuig nga nagpuyo sa lugar apan lumad nga taga Mindanao.

    Si PO1 Froilan Velasquez, imbestigador sa Pinamungahan police nga nahinabi sa Sun.Star Superbalita, niingon nga ang silingan sa biktima nga si Gaudiosa Herediano, 46,
    nibutyag kanila nga gigukod ni Cano iyang hinigugma.

    Nakadagan pa ang biktima apan pag-abot sa daruhan way swerte natumba kini hinungdan nga naapsan, diha-diha gipusil ang walang habig sa dughan ug gibiyaan.

    Apan dihang nilakaw si Cano gikan sa daruhan nga gibiyaan nagbuy-od nga patay ang iyang hinigugma, mga 20 ka tiil ang gilay-on, nagpusil usab siya sa iyang ulo ginamit ang iyang revolver hinungdan sa hinilali niining kamatayon.

    Pag-abot nilang mga pulis sa crime scene ang duha pulos na nagbuy-od diin didto ang revolver nga dunay tulo ka mga buhing bala ug duha ka mga kabhang.

    Gidali nila sa pagdala ang duha sa tambalanan apan gideklarar sa mga doktor ga dead-on-arrival.

    Ang motibo sa krimen, gugma, sumala pa ni Velasquez.

    Ang anak ni Marter nitug-an sa kapulisan nga niadto pang niaging mga adlaw gustong mopauli ang iyang inahan sa Mindanao.

    Apan ang suspek di mosugot nga mopauli ang biktima sa Mindanao hinungdan nga nagtoo sila nga kini maoy rason sa ilang panag-away.

    Samtang dunay mga silingan sa lugar ang nipadayag nga niadto pang miaging adlaw ang suspetsado nagsigig bahis-bahis sa ilang dapit human nipauli gikan sa trabaho dinhi sa dakbayan sa Sugbo.

    Wa hinuon masuta sa kapulisan kon unsay giawayan sa duha, apan posibling gibuwagan ang suspek sa biktima hinungdan nga di madawat niini sanglit nahibaw-an usab sa mga silingan nga duna silay relsyon.

    Samtang giingong dunay laing gikapuyo ang babaye sa maong dapit nga toa karon nagtrabaho sa Negros.

    Si Velasquez niingon nga dihang gigukod ang biktima, si Gaudiosa nitug-an nga nakapangayo pa og panabang si Marter apan way bisan usa nila ka mga silingan ang nakaduol tungod sa kahadlok.

    Gani siya mismo nihangyo sa suspek nga di pusilon ang biktima apan wa gyud siya panumbalinga.

    Dugang niini nga ang mga silingan nitug-an nga way bisyo ang suspek, hilumon, di manigrilyo, mo-inom, apan posibling di makadawat nga magkabuwag sila sa babaye hinungdan nga iyang gipatay ug nagpakamatay usab siya alang sa iyang grabeng paghigugma.

    Gipatik sa mantalaang SuperBalita Cebu
  • #24 by avatar_1_1507939928 - Werther-Fieber and other locos de amor - Love Talk Ligalig-Mike on 28 May 2011 xx - Werther-Fieber and other locos de amor - Love Talk
  • Book your travel at www.12go.asia
    Gibuwagan sa uyab naghikog
    Ni Edwin Ian Melecio (Banat)

    CEBU, Philippines - Usa ka 49-anyos nga lalaki ang giingong naghikog human giingong gibuwagan sa iyang dugay na nga uyab diha sa sitio Mohon sa barangay Colonia sa lungsod sa Tuburan niadtong Lunes sa hapon.

    Ang naghikog giilang si Pablito Bihogan, residente sa maong dapit kinsa giingong bag-ohay lang gibuwagan sa uyab ug adunay giantos nga balatian ug bag-ohay pang naoperahan.

    Si PO3 Jeremias Awit sa Tuburan police station sa pakighinabi sa Banat News mibutyag nga sayo pa niana mihangyo ang namatay ngadto sa iyang 74-anyos nga inahan nga si Cipriana nga ipatawag ang iyang iyaan kay siya magpahilot sa kasakit sa iyang dughan.

    Apan dangtan pila ka gutlo nakit-an nalang sa amahan niini nga si Eulogio,73, nga migawas kini diha duol sa ilang atabay ug nadungog nalang ang usa ka sipang buto sa armas.

    Si Bihogan dihang gisusi nakaangkon og samad pinusilan diha sa walang bahin sa iyang dughan nga nakaingon sa hinanali niining kamatayon, narekober sa kapolisan ang usa ka kalibre 357 rebolber diha sa crime scene.

    Sumala pa nga dugay nang naproblema si Bihogan gumikan sa iyang sakit ug operasyon ug nadungagan tungod sa panagbuwag niini sa iyang uyab. - BANAT NEWS
  • #25 by avatar_1_1507939928 - Werther-Fieber and other locos de amor - Love Talk Ligalig-Mike on 28 May 2011 xx - Werther-Fieber and other locos de amor - Love Talk
  • Book your travel at www.12go.asia
    Sikyu naghikog kay gibiyaan sa uyab
    Nila ni Rey B. Pasaporte ug Marjorie Romero (Banat) 

    CEBU, Philippines - Usa ka guwardiya kinsa gituohang naguol kay gibiyaan sa hinigugma naghikog sulod sa lawak sa ilang balay sa sitio Ibasan, barangay Banilad, ning dakbayan sa Sugbo kagahapon sa alas 6:00 sa buntag.

    Ang nagpakamatay kinsa naghikot og pisi sa liog mao si Renato Caballes, 30, ulitawo, ug usa ka guwardiya nga taga Ibasan.Sa gihimong pakisusi ni SPO2 Roger Nedamo ug mga kauban sa homicide section sa Cebu City Police Office nasuta nga walay samad ug bun-og ang kalawasan ni Caballes, gawas sa pisi sa iyang liog kansang pikas tumoy gigaid usab sa sagbayan sa ilang balay. Si Eduardo Caballes, 60, amahan sa naghikog miasoy sa kapolisan nga nianang alas 6:00 sa buntag iyang gisusi ang kuwarto sa iyang anak kun nakalakaw na ba kini paingon sa trabahoan.Apan nasurprisa ug nakurat ang amahan sa iyang nakita nga nagbitay na sulod sa kuwarto ang iyang anak nga wala nay kinabuhi.Si Angelita Caballes inahan sa nagpakamatay nga guwardya mitug-an usab kang SPO2 Nedamo nga naguol iyang anak tungod kay ang hinigugma niini nga mabdos nga ginganlan lang og “Jean” nananghid nga muoli sa ilang lugar didto sa Negros aron mobakasyon ug mipasalig kini nga mobalik sa ilang pinuy-anan apan hangtod karon wala na gyud kini mopatim-aw.

    Gituohan sa inahan nga mao kini gikagul-an og maayo sa iyang anak hinungdang nakahukom kining maghikog.Hinuon ang kapulisan sa dakbayan mirekomendar sa pamilya nga ipailawom sa autopsiya ang patay’ng lawas ni Renato aron masuta gyud kun wala bay foul play ang pagkamatay niini. - BANAT NEWS
  • #26 by avatar_1_1507939928 - Werther-Fieber and other locos de amor - Love Talk Ligalig-Mike on 28 May 2011 xx - Werther-Fieber and other locos de amor - Love Talk
  • Book your travel at www.12go.asia
    Gibuwagan sa uyab naghikog
    Ni Darrel A. Carumba (Banat)

    CEBU, Philippines - Tungod sa kaguol human gibuwagan sa iyang hinigugma usa ka 19-anyos nga estudyante sa Poblacion lungsod sa Madridejos isla sa Bantayan ang naghikog niadtong Biyernes sa alas 6:00 sa buntag.

    Ang nagpakamatay pinaagi sa paghikog mao si Ryan Malazarte, 19, molupyo sa nahisgutang lugar ug Information Technology (I.T.) student sa maong lungsod.

    Matud ni SPO1 Wayneright Desabelle sa Madredijos Police dihang nahinabi sa Banat News ang apuhan ni Malazarte nga si Lilia Jumantic, 57, maoy nakadiskubre sa biktima nga wala nay kinabuhing nagbitay sulod sa ilang balay nga dunay higot nga bakus sa liog ug gibaat ang pikas tumoy sa kahoy ibabaw sa balay.

    Daling nangayo og panabang sa mga silingan ug gisuwayan pa unta pagtabang apan nabugto-an na gyud kini sa kinabuhi.

    Subay sa gihimong imbistigasyon sa kapulisan nasutang naguol kini human mag-away sa iyang hinigugma nga gitago lang ang pangalan niadtong miaging adlaw nga giingong misangpot sa pagbuwag kaniya sa babaye.

    Gituohang niadto pang Huwebes sa gabii naghikog si Malazarte apan niana lang pagka Biyernes sa buntag nadiskobrihan sa mga kabanay.   (BANATNEWS)
Pages:
Actions
SMF spam blocked by CleanTalk