Tambagi ko Noy Kulas: Luyat ang performanceDEAR Noy Kulas,
Good day!
Simple ra kaayo ni akong problema. Gani maora ra nig kataw-anan sa uban.
Mahitungod ni sa akong sekswalidad. Dili sa panghinambog, maayo sad baya ko og hitsura. Sakto sad ko sa lawas. Gani, daghan man ang modayeg sa akong lawas kay dako kuno. Porma pa gyud ang mga muscle bisan wa ko ga-gym.
Sedentary gyud ko nga type sa pagkatawo. Kaon-tulog ra, ilabina karon nga bakasyon ko. Seaman man ko. 27 years old pa ko karon.
Ang akong problema bahin sa akong performance sa sex. Matingala ko, Noy, kay tagsa ra man gyud ka round ang akong makaya sa usa ka adlaw. Bisan unsaon nako og paningkamot nga mogahi og balik, di na man gyud. Dali ra kaayo ko gahian sa una, apan kon gusto na ko mo round 2, dili na man. Moreklamo na akong uyab. Usahay maulaw na lang ko. Tawgon na gud kong lolo.
Wala gyud untay problema bahin sa babaye kay sa akong trabaho, stable na gud ko. Mao na daghan sad ko og uyab. Silang tanan parehas og reklamo. Ako na lang gud nga dugayon kon mag sex mi, para dili sila mabitin. Moabot mi usahay og tag usa ka oras sa usa ka round. Dili ra ba gyud ko mokaon og utan ug bisan unsang lamas. Wala sad koy exercise. Dili gyud ko sington pirmi.
Mao ba ni ang hinungdan? Hilig sad ra ba kaayo ko sa tam-is, apan di man ko diabetec. Sakto ra man akong blood sugar count. Unsa kaha akong kaunon or imnon para ganado ko pirmi ug dali ra gahian? Salamat!
PAUL
Paul,
Maayong adlaw nimo ug sa mga seaman nga kanunay sab nagsunod ining akong lindog.
Maayo kay nisulti kang sedentary ang imong kinabuhi. Bisan di ko doctor, nagduda kong usa gyud ni sa mga hinungdan nganong di makalahutay og away ang imong junior. Tinuod nindot kag lawas, macho kang tan-awon, apan sa physique ra sab lagi nimo. Apan deep inside, naay kuwang nimo. Daghan bayang tambukon but fighter kaayo sa kama. Bisan pila pa ka round, kaya kaayo nila.
Mag-exercise ka. Kay ugat man gyud na nga principal, ang makapabarog niana mao ang nag-flow nga blood. Sa ato pa, kon maayo ang circulation, bisan nipis nga sayal ang mosaghid, motindog dayon ni. Ang usa sa makapaayo sa circulation sa dugo mao ang maayong supply sa oxygen nga makuha diha sa ehersisyo.
Ikaduha, gikinahanglan kang mokaon og mga utanon. Naa sa mga utanon ang nutrients nga gikinahanglan sa atong lawas. Gani, duna pay mga estorya nga dunay mga utanon ug lamas nga ang epekto maorag Viagra.
So, kining duha, exercise ug pagkaon ang gikinahanglan nimo. Pagkugi og maayo sa exercise aron ka makalahutay. Palupig lang ka sa mga lolo ug hapit na mahimong lolo? Ayaw gyud.
NOY KULAS
Gipatik sa mantalaang Sun.Star Superbalita Cebu sa Hulyo 17, 2010.
Linkback: https://tubagbohol.mikeligalig.com/index.php?topic=30563.0
