CEBU, Philippines - Usa ka 22-anyos nga lalaki nga giingong naghambin og kaguol tungod kay gipakyas sa babayeng buot unta niyang pakaslan nagkutlo sa iyang kaugalingon pinaagi sa paghikot og wire sa iyang liog sa miaging gabii sa Villa Remedios, Opra, barangay Kalunasan ning dakbayan.
Migamit si Sammy Cortes Abendan og extension wire sa kuryente aron ihikot sa iyang liog.
Naabtan si Sammy sa iyang magulang nga si Lelita samtang nagbitay sulod sa iyang kuwarto, hinungdan nga nangayo kini og pakitabang sa iyang mga silingan.
Gitabangan nilang Alvin Dempara, Limboy Limpag ug Armando Omerez pagbadbad ang extension wire nga nakahikot sa liog ni Sammy. Gisulayan usab siya og tabang, apan nakutloan gyud kini sa iyang kinabuhi.
Ang kapolisan wala hinuoy nakitang mga senyales sa pagsukol gikan sa lawas ni Sammy, sama sa samad hinungdan nga gituohan kining naghikog gyud.
Nakit-an hinuon sa kapolisan ang marka sa iyang liog agi sa extension wire sa kuryente nga gigamit paghigot niini.
Si Sammy adunay gibilin nga usa ka suicide note sa lamesa sa kuwarto niini nga gi-address sa iyang amahan nga si Carlos ug sa iyang hinigugma.
Sa iyang suicide note, nangayo si Sammy og pasaylo nga iyang gihimo ang paghikog.
Si PO3 Geoffrey Gutual, sa Homicide Section sa pakighinabi sa Banat News nagkanayon nga posibleng ang kaguol ni Sammy nga gipakyas siya sa iyang hinigugma sa saad niini nga magpakasal kaniya ang hinungdan nga naghikog kini.
Matud ni PO3 Gutual nga si Sammy gibulagan sa iyang hinigugma duha na ka bulan ang nakalabay.
Ang kapolisan nagkanayon nga wala na madala sa ospital si Sammy.
Wala hinuoy nakitang foul play ang kapolisan.
Linkback: https://tubagbohol.mikeligalig.com/index.php?topic=23134.0
