http://www.sunstar.com.ph/Thursday, March 26, 2015
Ni GUAM P. LOGROÑO
GIPAPILI niya ang iyang girlfriend kinsa nilang duha sa iyang karibal ang iyang gustong ikauban sa tibuok kinabuhi samtang silang tulo diha sa usa ka kuwarto sa usa ka boarding house.
Dihang giprangkahan siya sa iyang girlfriend nga ang iyang karibal maoy mas bug-at sa iyang kasingkasing, niibot siya sa iyang gitagoang armas ug gipusil sa ulo makausa ang lalake.
Namatay diha-diha sa samad sa ulo ang biktimang si Junrey Suan, 22, ulitawo, taga Limasawa, Southern Leyte, sulod sa boarding house sa Barangay Poblacion Oriental, lungsod sa Consolacion, niadtong Miyerkules sa alas 6:40 sa gabii.
Ang suspek nga giila sa kapulisan nga si Michael Yuson, 24, kanhi tindero, lumad nga taga Carcar City, apan kasamtangang nagpuyo sa Mambaling, dakbayan sa Sugbo, wa pa madakpi.
Si Fritzie Llones, 22, dalaga tindera sa Fooda Consolacion, igo nalang sa paghilak samtang nag-apong sa lawas sa lalakeng una niyang gihigugma.
Linkback:
https://tubagbohol.mikeligalig.com/index.php?topic=79869.0