Ang mga kawani sa Philippine Ports Authority (PPA) nga pinangulohan ni Aurelio Gambuta OIC Manager ug iyang mga kauban Engineer Richard Elopre, Epelito S. Arao-arao, ug Anthony C. Inting, mitambong atol sa gipahigayong regular sesyon sa mga sakop sa Sangguniang Bayan sa lungsod sa Loon.
Ang katuyuan aron pagpahibalo nga paga ugmaron ang pantalan sa Catagbacan Norte, ning maong lungsod pagahimoon ug usa ka International Ship Port sa mga foreign og local vessels ang modunggo nga mga RORO type nga mga barko.
Kini maoy usa ka programa ni Congressman Edgar Chatto, isip Chairman sa Tourism Federation of the Philippines.
Ang pagdevelop sa maong pantalan pahalapdan ug dugangan ang iyang gidak-on ug kompleto sa mga pasilidad aron ang mga sumasakay nga mga pasahero adunay seguridad samtang nagpaabot pa sa mga barko nga ilang pagasakyan kon asa ang ilang destino.
Subay niini ang PPA motambayayong sa giproponir nga mga plano sa kongresman alang sa pagpatuman sa maong program ingon man ang kagamhanang lokal ning lungsod ubos ni Mayor Lloyd Peter M. Lopez, Bise Mayor Edwin Ladeza, ug ang mga sakop sa Sangguniang Bayan, aron ang lungsod makabaton ug labing hamogaway ug maanindot nga pantalan dinhi sa Rehiyon VII.
Sa eksklusibong interbyu sa Bantay Balita ni Kagawad Narciso Neri, Chairperson on Public Works and Utilities, siya nagkanayon nga ang pantalan sa Catagbacan, maoy napiliang pantalan gumikan kay lawom ang dagat nga nahilun-an sa pantalan ug luwas usab sa hanging habagat ang maong dapit.
Gikan ni Boy Luzon sa Bantay Balita Bohol
Linkback:
https://tubagbohol.mikeligalig.com/index.php?topic=2759.0