MikeLigalig.com

Ni Lesley Caminade-Vestil ug Chelsea Quijano (Banat) | Updated June 2, 2013 - 12:00am


CEBU, Philippines - Tungod kay wala pakigdungan og panihapon sa iyang kapuyo, nagpusil sa kaugalingon ang usa ka lalaki pasado alas-8 sa miaging gabii diha sa Upper Villa Bulsita barangay Bulacao dakbayan sa Sugbu. Ang naghikog nailhan nga si Emmanuel Pogoy Peñafort, 28, molupyo sa maong dapit ug giingong nagpusil sa iyang ulo gamit ang usa ka Black Widow revolver.  Sa pakighinabi sa Banat News ni SPO4 Rey Cuyos, ang imbestigador sa Homicide Section nga sa wala pa mahitabo ang insidente giingong padung na manihapon si Peñafort apan mitumaw ang panaglalis tali niini ug kapuyo nga si Maria Charice Navarro.

Matud pa nasuko ang lalaki tungod kay dili gusto nga makigdungan kaniya si Navarro.   Atol sa pagresponde sa kapolisan didto pa ang mga pagkaon nga angay unta nilang saw-an sa panihapon.  Wala magdahom ang kapuyo nga mabuhat kadto sa kapuyo.  Matud pa ni Cuyos nga sa milabay’ng semana nahiubos ang lalaki tungod kay wala man kini tuguti sa iyang kapuyo nga muadto sa ilang panimalay sa Pasil nga mao usab ang na-ingnan sa ilang panag-away.         

Giingong usa palang ka bulan nga nagpuyo ang duha apan kagabii wala damha nga ang wala lang pagduyog ni Navarro kang Peñafort sa panihapon moresulta kini sa paghikog.   Gamit ang kalibre .9mm nga gipusil sa iyang tampihak maoy hinungdan sa hinanaling kamatayon sa lalaki. EIM(BANAT NEWS)