MikeLigalig.com

Ni Quennie S. Bronce ug Wen Celen (Banat) Updated October 24, 2012 12:00 AM   
 

CEBU, Philippines - Ang University of the Visayas (UV) Chorale nakadawat og ganti nga tulo ka gold ug usa ka special prize atol sa Grand Prix tungod kay sila ang nakakupot sa labing taas nga score sa nagkalainlaing kategoriya sa gipahigayong Rimini International Chorale Competitions.

Ang UV Chorale, gipangunahan    ni choirmaster Anna Tabita Abelada-Piquero, maoy kauban sa 37 ka grupo sa mang-aawit nga gikan sa nagkadaiyang nasud sa kalibotan kinsa misalmot sa upat ka adlaw nga international chorale competition   nga gipasiugdahan   sa City of Rimini sa Italy

Ang nahisgutang bangga gilangkoban sa unom ka kategoriya nga   mao kining mosunod- Class A o Equal Voices, Class B o Mixed Voice, Class C o Children and Young Choirs, Class D o Folk or Gospel/Spiritual Choirs, Class E o Sacred Music, and Class X o the City of Rimini International Choral Prize Grand Prix.

 Ang UV Chorale misalmot sa Mixed Voice, Folk or Gospel/Spiritual Choirs, Sacred Music ug sa Grand Prix.

Ang UV Chorale, nga natukod niadtong 1999 ni UV Executive Vice President ug The Freeman Chairman Jose “Dodong” Gullas ug gidumala sa iyang minahal nga kapikas Nena Gullas, nakadaog og medalyang bulawan sa Mixed Voice category   uban sa score   nga 95.20, labaw sa laing 18 ka grupo sa mga choir. Ang Capella Silentium,   usa ka choir   gikan sa Hungary, maoy nakakuha sa ikaduhang dapit uban sa score   nga 88.40.

Si Piquero mitug-an sa dihang gi-interview sa The Freeman   nga sa ilang kalipay gitandog nila ang mga maghuhukom sa ilang kanta nga Nox Aurumque.

Linkback: https://tubagbohol.mikeligalig.com/index.php?topic=56062.0

Apan matud pa ni Piquero nga sa dihang ang Foerster Female Chamber Choir   gikan sa Prague, Czech Republic maoy gi-anunsyo nga    mananaug sa Grand Prix, giboohan kini sa audience ug nagpanlingo, nga nagpasabot nga wala sila makauyon sa maong desisyon sa mga maghuhukom.

Unya sila ang gitudlo nga maoy angay nga mananaug ug niadtong higayona ang ubang grupo sa mga mang-aawit uban ang ilang mga conductor nagsugod na sa paghalog kanila. Tungod kay lain man ang gi-anunsyo nga mananaug bisan ang driver sa   bus   nga maoy tighatud     sa UV Chorale sa ilang mga opisyal nga mga biyahe, mipasabot sa kahiubos niini kay wala makauyon sa gipakanaug nga desisyon sa mga maghuhukom, sumala ni Piquero.

Matud pa ni Piquero nga dihang mibalik na sila sa hotel nga ilang gisak-an , nagpaabot na kanila didto ang Serbian Choir ug gisugat  sila og pakpak   sa mga kamot   niini.

Unya mikanta ang maong grupo    og Gaudeamus Igitur samtang nanghalug ang matag usa niini kanila ug didto nasuta sa grupo nga bisan kun wala nila makuha ang   unang ganti sa Grand Prix apan ang gipakita nga pagdayeg kanila sa audience ug sa ubang grupo sa mang-aawit nga kaatbang nila sa maong kompetisyon igo na kaayong nakapadasig kanila ug wala sila batia og kaluya “tungod kay ang ang labing maayong ganti alang kanamo mao ang ilang pagtuo nga kami gayud ang angay nga mananaug”, matud pa ni Piquero.

Ang multi-awarded UV Chorale misalmot usab sa laing kompetisyon didto sa Cantaal Mar Choir Competition in Barcelona, Spain kaniadtong   miaging October 17 - 21 ug gitakda usab kining mosalmot sa laing bangga atol sa ika- 44 nga Tolosa Choir Competition karong October 31 ngadto   sa November 4.

“Usa ka dakong dungog alang sa UV , alang sa Cebu , ug alang sa nasud nga may grupo sa mang-aawit nga Sugboanon   nga matawag nga international multi-awarded choir. Mapasigarbuhon kaayo ako ug nalipay kaayo sa kalampusan sa UV Chorale” matud pa ni Gullas.

“It is an honor for UV, for Cebu and the country to have an internationally-acclaimed and multi-awarded choir. I am really proud and happy with the achievements of the UV Chorale,” Gullas said. (BANAT NEWS)

Linkback: https://tubagbohol.mikeligalig.com/index.php?topic=56062.0

Oi, nganong sa The Freeman ra man ning balitaa mamantala?

Linkback: https://tubagbohol.mikeligalig.com/index.php?topic=56062.0