Ni Guam P. Logroño
TUNGOD kay nahunong sa pagkanta sa awit nga “My Love Will See You Through,†barangay konsehal gipatay sa iyang silingan nga iyang giilugan og microphone niadtong Lunes sa hapon.
Si Rubino Salvador, 48, minyo, barangay konsehal sa Tubod, lungsod sa Badian, giluba patay sa iyang silingan sulod sa videokihan niadtong Lunes sa alas 3 sa hapon.
Ang suspek giilang mao si Nicholas Perez Jr., 48, panday, bulontaryo ni-surrender sa kapulisan niadtong Lunes sa alas 7 sa gabii human siya nitago sa kabugangan sa ilang lugar.
Si Sr. Insp. Almerante Bacayo, hepe sa Badian Police nga nahinabi sa Sun.Star Superbalita, nagkanayon nga sa wa pa mahitabo ang kremin, ang konsehal giingong hubog nga nitambong sa salo-salo sa balay sa silingang si Angelina Comission.
Ang suspek nitambong sab sa salo-salo samtang nagkaon siya ang konsehal nga hubog miduol kaniya ug sa way rason, “gikumotkumot†ang iyang gikaong sud-an ingon man kan-on.
Wa lang niya hatagig igong importansiya kay hubog ang konsehal.
Human sa pagkaon, ang suspek nilakaw ug niadto sa videokihan diÂin siya nagkanta-kanta uban sa ilang mga siliÂngan ug higala.
Apan samtang siya nag-awit sa “My Love Will See You Through,†niabot ang konsehal giilog ang microphone.
Hinungdan nga sa kasuko sa suspek, nisulti kini ngadto sa biktima nga “dunggabon ta ka karon†dungan sa paghansak sa 11 pulgadas nga plamingko tumong sa tuong dughan.
Gipatik sa mantalaang SuperBalita Cebu Oktubre 31, 2012.
Linkback:
https://tubagbohol.mikeligalig.com/index.php?topic=56246.0
