MikeLigalig.com

Ni Darrel Carumba (Banat) | Updated July 1, 2013 - 12:00am


CEBU, Philippines - Nalungag ang ulo sa usa ka tanod human kini pusila  sa wala  hiilhing  kriminal  nga  mibanhig  kaniya   didto  sa barangay Apo, lungsod  sa Argao  kagahapon  sa ala 1:00  sa  kaadlawon.

Ang biktima mao si Richard Oyangorin, hingkod, minyo ug tanod sa maong lugar.

Si PO3 Benjamen Gerozaga sa Argao Police Station  mibutyag  sa Banat  News   nga  ang biktima nagmaniho sa iyang motorsiklo ug nagsunod sa  usa  ka multicab nga maoy gisakyan sa iyang asawa paingon sa lungsod aron kini motrabaho.

Apan pag-abot sa maong lugar ang suspek mikalit lang  og  patunga sa karsada  ug gipara  niini  ang  biktima.

Dayon  gibabagan ang biktima  ug paghunong sa tungod  gidul-itan  kini  pagpusil sa ulo ug maayung pagka pisok sa agtang ug nilapos ang bala  sa iyang  tingkoy.

Nakit-an pa kini  sa asawa  human sa pagbuto-buto sa  armas  nga  gigamit  sa pagpusil  sa iyang   bana.

Sa  iyang paglingi sa luyong bahin,  natagak  na ang biktima gikan sa iyang motor  samtang  ang  kriminal  dali kaayung nakadagan pahilayo   sa maong  dapit.

Wala  na  maklaro    sa asawa ang  kriminal  tungod  sa kangitngit   sa palibot.

Ang biktima namatay  diha-diha ug wala na madala pa sa tambalanan, samtang ang  kapolisan padayon pa sa ilang imbistigasyon pagtumbok sa kriminal ug   sa motibo sa maong krimen. WC (BANAT NEWS)

who cares. same old news....

you mean the tanod had already been killed before?

kana kay nagpatunga sa kalsada, iya nalang unta to gibanggaan.

Quote from: islander on July 01, 2013, 08:23:56 AM
you mean the tanod had already been killed before?

Bwahaha! Wa man gud tingali panumbalinga...

Quote from: wardiflex on July 01, 2013, 10:11:31 AM
kana kay nagpatunga sa kalsada, iya nalang unta to gibanggaan.

Sakto. Kinsa may gud tuoy magwarawara sa kalsada ala una sa kaadlawon...