MikeLigalig.com

Wednesday, March 2, 2011


PATAY na nga nakaplagan ang usa ka kanhi overseas Filipino worker nga nakahiagum og daghang samad dinunggaban sa lawas didto sa siyudad sa Kidapawan niadtong Dominggo sa buntag.

Ang biktima nailhan nga si Crisanto Atos, 29, ulitawo ug molupyo sa Purok 3, Barangay Sudapin sa nasampit nga siyudad.

Nasayran nga banda alas 6:00 sa buntag niadtong Dominggo, nakit-an na lang ang patay nga lawas ni Atos kilid sa kanal sa Barangay Perez nga naka-angkon og daghang samad dinunggaban sa lawas.

Matud ni Laurencia nga nakasinati og suliran sa pangisip ang iyang anak sa diha nga miuli siya sa ilang dapit usa na ka bulan ang milabay gikan sa Saudi Arabia unya mosugmat-sugmat ang iyang sakit.

Ang biktima ulahing nakit-an sa mga silingan nga misuroy pa ngadto sa iyang mga barkada sa maong lugar.

Dunay pagduda ang pamilya sa biktima nga posibling gitulis siya gumikan nahanaw ang relo, kuwentas ug kuwarta sa ulitawo.

Hangtud karon blangko pa ang otoridad sa kamatayon ni Atos apan padayon silang mihimo og pagsusi sa maong hitabo. (EF)


Gipatik sa mantalaang SuperBalita Davao Marso 02, 2011.

Ngangong gipatay pa man jud, nahibaw-an gud nga naay sakit sa pangisip... 

Quote from: hubag bohol on March 02, 2011, 02:54:24 PM
Matud ni Laurencia nga nakasinati og suliran sa pangisip ang iyang anak sa diha nga miuli siya sa ilang dapit usa na ka bulan ang milabay gikan sa Saudi Arabia unya mosugmat-sugmat ang iyang sakit.

Unsa kaha diay intawon ang iyang kasinatian sa Saudi nga naapektohan man ang pangisip... 

paskang luoya.  hinoon, naa ba kaha sa lugar nga iyang gitrabahoan sa una o di ba kaha ang biklunon ug utok bisag asa iabot gyod ug kabikil.  ngano tuod nga nilakaw nga gainusara nga biklunon na man diay ug utok?  awahi na ning mga hunahunaa.  mas naay suliran sa pangisip ang nangawat ug nanunggab.

   

Quote from: islander on March 02, 2011, 03:23:31 PM
paskang luoya.  hinoon, naa ba kaha sa lugar nga iyang gitrabahoan sa una o di ba kaha ang biklunon ug utok bisag asa iabot gyod ug kabikil.     

Malagmit biklonon daan, unya nabikil. Hmm, wa ba kaha hilabti sa mga Arabo... 

Quote from: islander on March 02, 2011, 03:23:31 PM
ngano tuod nga nilakaw nga gainusara nga biklunon na man diay ug utok? 

Basin naay lucid interval... 

Quote from: islander on March 02, 2011, 03:23:31 PM
mas naay suliran sa pangisip ang nangawat ug nanunggab. 

Klaro. Ang nakaparat lang kay maayong molihay ning mga tawhana... 

Basin may traumatic incident nga nahitabo niya mentras didto siya sa Saudi
pero kon gitulis man, nganong  gipatay pa man gyud?..kalooy baya

Quote from: statesville on March 05, 2011, 07:03:42 AM
Basin may traumatic incident nga nahitabo niya mentras didto siya sa Saudi
pero kon gitulis man, nganong  gipatay pa man gyud?..kalooy baya

Nailhan tingali ang nagtulis, mao nga gitiwasan na lang...