Tinun-an `gitaktak’; Rama miapelar
Philip A. Cerojano ug Roger E. Vallena
GITAKTAK sa iyang tunghaan ang babayeng tinun-an nga nalambigit sa video scandal nga gipistahan sukad pa sa miaging semana.
Kon tinuod man gani kini, si Cebu City Mayor Michael Rama miawhag sa kadagkuan sa tunghaan nga konsiderahon ang hukom kay maguba ang maayong kaugmaon sa babayeng tinun-an.
Nagsugod ang kontrobersiya dihang gi-upload sa internet ang video sa babaye ug lalake nga mga tinun-an sa managlahing mga unibersidad dinhi sa dakbayan sa Sugbo.
Ang video gituohang gikan sa cell phone sa lalake nga giingong nahabilin sa usa ka imnanan sa Osmeña Blvd. Samtang ang Criminal Investigation and Detection Group (CIDG-7) mosusi kon kinsa ang mipaÂkatap sa mao nga video nga nakamugna og grabeng eskandalo.
Mga kasaligang tinubdan nga di gustong nganlan niingon nga dihang nibuto ang eskandalo sa miaging semana, ang babayeng tinun-an nga mograduwar unta karong Marso, uban ang iyang mga ginikanan, gipatawag sa kadagkuan sa tunghaan.
Gipahibawo sila sa desisyon sa school management.
Apan wa mahibaw-i kon nihangyo ba ang mga ginikanan kay di man kay makausa ra kini nakit-an nga mibisita sa tunghaan sukad sa pagbuto sa eskandalo.
Ang tunghaan, kansang ngan gipugngan ning mantalaan, pabilin nga nagpakahilom ning mao nga kontrobersiya nga maoy makahatag untag katinuoÂran sa giingong silot nga ilang gipahamtang.
Si Rama, sa iyang bahin, niingon nga kinahanglan nga kon unsa man gani ang hukom sa school maÂnagement, kinahanglang tan-awon kon nalatid ba kini sa student manual o mga lagda niini.
Kay kon wa kini malatid, posibleng mag-atubang ang tunghaan og kiha kon dunay molaban sa tinun-an.
“It is so much for her to be in that situation, where she can’t finish her study,†nagkanayon si Rama.
Apan kon aduna man, gipasabot ba kini sa eskwelahan ngadto sa mga tinun-an, dugang ni Rama.
Ang Sun.Star Superbalita nakadawat og report nga consistent dean’s lister ang mao nga babaye.
Nagkanayon si Rama nga biktima lang ang maong tinun-an ug di angay pahamtangan sa bug-at nga silot, ug mas gikinahanglan ang pagsabot.
“They (duha ka mga tinun-an) need counseling. They need parental guidance. They need so much understanding,†pasabot sa mayor.
Iya usab nga giawhag ang bisan kinsa nga naa ning mao nga video sa pag-delete aron di na madugangan ang kauwaw sa duha ka mga tinun-an ug sa ilang mga pamilya.
Sa samang kalamboan, ang tanang mga babayeng tinun-an sa tunghaan gidid-an una sa school manageÂment sa pagsul-ob sa ilang uniporme samtang init pa ang isyu.
Sugod kagahapon, ang mga tinun-an sa college sa ilang mga campus wa na magsul-ob sa uniporme apan gimandoan sila sa pagpakita sa ilang identification (ID) card sa pagsulod sa tunghaan.
Kagahapon, si CIDG-7 Director Sr. Supt. Eddie Binigay nipahibawo nga moimbestigar sila ning mao nga eskandalo.
Si Binigay niingon nga andam kaayo sila nga motabang sa pamilya sa babaye kon modangop kanila.
“If this girl will ask (for) justice, we will be more willing to help,†matod ni Binigay sa mga tigbalita.
Ang nagpakatap niini o bisan kinsa nga mi-share sa video, sama sa mamaligyaay og DVD, mahimong masilutan ubos sa balaud sa Republic Act 9995 kun “Anti-Photo and Video Voyeurism Act of 2009â€.
Dunay mga taho nga mikatap na karon ang mga kopya sa DVD sa mao nga sex video scandal.
Si Binigay niingon nga lisod gyud hinuon subayon kon kinsa ang nag-upload sa mao nga video ngadto sa internet kay wa pa silay mga galamiton alang niini.
25Gipatik sa mantalaang SuperBalita Cebu Pebrero 06, 2013.
Linkback:
https://tubagbohol.mikeligalig.com/index.php?topic=66606.0