MikeLigalig.com

USA ka taxi drayber ang gitulis sa iyang tulo ka mga pasahero sa ala 1:40 sa kaadlawon kagahapon didto sa Gem Village, Barangay Ma-a, siyudad sa Davao.

Ang biktima mao si Romelito Demicillo, 31, minyo, drayber sa STC Taxi ug nagpuyo sa Purok 2, Barangay Langub, ning siyudad.

Base sa imbestigasyon ni PO2 Jonnel Bonguyan sa Talomo Police Station, ang biktima gisakyan sa tulo ka mga lalaki gikan sa dalang F. Torres ug nagpahatud dito sa Datu Luho, Barangay Ma-a.

Si Demicillo nagbutyag sa kapulisan nga ang usa ka pasahero milingkod sa front seat samtang ang duha milingkod sa back seat sa iyang gimaneho nga taxi nga dunay body number 87.

Matud ni Demicillo nga ang tawo nga milingkod sa front seat dunay dalang granada samtang ang duha dunay dalang wa matino nga kalibre sa armas.

Dihang miabot na sila sa Gem Village, suma sa biktima, gitionan siya og armas sa duha ka mga tawo dungan sa pagdeklara nga tulis.

Si Demicillo nagsulti nga gikuha sa iyang katapad ang iyang kita sa pagpamasada nga nagkantidad og P3,100. - Sun Star

Linkback: https://tubagbohol.mikeligalig.com/index.php?topic=34286.0