Sundalo nga nalumos, nakit-an na
GENERAL SANTOS CITY- Milungtad pa og duha ka adlaw una nakit-an ang patay’ng lawas ni Private Marlon Tolentino sa 2nd Field Artillery Battalion Philippine Army nga nakabase sa Purok Asinan, Buayan ning dakbayan.
Ang biktima gituohang nalumos dihang naligo sa Minanga Beach sa maong lugar niadtong Dominggo, pasado alas-2:00 sa hapon samtang kagahapon nakit-an kini ni Judy Jubeto kauban sa iyang anak nga naglutaw dili layo sa iyang giliguan pasado alas-5:30 sa buntag.
Matud ni Captain Cipriano Aranas, tigpamaba sa 2nd Field Artillery Battalion nga ilang ipadala ang patay’ng lawas sa maong sundalo sa Pangasinan City tungod taga-didto kini.
Samtang, gipaniguro usab sa Scene of Crime Operatives kun SOCO nga walay foul play ang kamatayon sa biktima.
Linkback:
https://tubagbohol.mikeligalig.com/index.php?topic=79778.0