MikeLigalig.com

Ni Alger Dura
Sunday, September 9, 2012


USA ka siyete anyos nga batang lalaki ang nakuryentehan patay samtang nanguryente og isda sa fish pond duol sa ilang balay niadtong Sabado.

Ang biktima mao si Bryll Rey del Socoro, grade two pupil, nagpuyo sa Purok 4, Barangay Marapangi, Toril District, siyudad sa Davao.

Base sa spot report ni PO2 Josua Aznar, duty investigator sa Toril Police Station, ang biktima nakaplagan sa iyang iyaan nga si Rosalina del Socoro, 49, nagpuyo sa Purok 4, Barangay Marapangi.

Si Rosalina daling nangayo og panabang sa kapulisan human niya nasiplatan nga naglutaw ang biktima sa tubig sa fish pond.

Daling gidala ang biktima sa Mediquest Hospital sa Toril apan gideklara siyang dead on arrival.

Nasayran nga nanguha og isda ang biktima gamit ang kuryente nga dunay boltahe nga 110 volts.

Wa nabantayan sa iyang kabanay mao nga nakuryentehan siya nga miresulta sa iyang kamatayon.

Gipatik sa mantalaang SuperBalita Davao Septembre 10, 2012.