MikeLigalig.com

SuperBalita Cebu
Ni Guam P. Logroño
Sunday, November 16, 2014


SEAMAN napisat human siya naligsan sa 6x6 sa military truck nga padulong maghatod sa mga donasyon nga school supplies niadtong Sabado sa alas 10:15 sa buntag sa national highway sa Barangay Malingin, lungsod sa Daanbantayan.

Si Celso Aguipo, 52, seaman, minyo ug taga Barangay Calape, Daanbantayan, napisat human nalatayan sa 6x6 military truck SKM-931 nga gimaniho ni Staff Sgt. Jun Moncenilla, 46, minyo, taga Kidapawan City, sakop sa Special Force sa Philippine Army (PA) nga nakabasi sa Barangay Nangka, lungsod sa Balamban.

Si PO3 Alex Ricarte, desk officer sa Daanbantayan Police Station nga nahinabi sa dySS ug Sun.Star Superbalita, nagkanayon nga ang military truck dunay karga nga school supplies nga alang sa National High School sa lungsod sa Daanbantayan.

Ang biktima nga si Aguipo sakay sa iyang motorsiklo padulong mo­­pauli sa Calape apan dihang niabot sa nahisgu­tang da­pit, nagkabangga ang duha ka sakyanan. Nalatayan ang biktima sa ligid sa 6x6 hinungdan nga napisat ug namatay dihadiha.

Ang drayber sa military truck nga si Staff Sgt. Moncenilla, bulontaryong nitahan sa kau­galingon dihang na­abot ang mga niresponding kapulisan.

Linkback: https://tubagbohol.mikeligalig.com/index.php?topic=79265.0