Ni KRIS C. SIALANA
PUNO sa bun-og ang kalawasan sa usa ka babaye human gikulata sa iyang kauban sa hotel niadtong milabay nga gabii mga alas 9:00 sulod sa inn nga nahimutang sa Rizal/Cruz Taal Streets ning siyudad sa Cagayan de Oro.
Ang biktima nga giingong usa ka sex worker, nag-edad og 23, dalaga nga residente sa Sumpong, Malaybalay City, samtang ang suspetsado nailang si Luterio (bansagon gitago), 22, ulitawo, usa ka trisikad driver nga kasamtangang nanimuyo sa Kinawe, Libona, Bukidnon, ug lumad nga taga Kinawe Libona Bukidnon.
Sa nahipos nga report gikan sa Police Station 1 (PS1) sa Divisoria, nasayran nga nidangop sa buhatan sa kapolisan ang biktima ug gireklamo ang kustomer kinsa mikulata kaniya samtang naghilawas.
Giingong wala kini masayod kung sa unsa nga rason nganong gipasakitan kini samtang nagtagay sa lawasnong kalipay. Gidugang pa niini nga gisumbag kini sa ikaduhang higayon samtang giremedyo ug gituok gani dili pa igo gibaharan pa matud kini nga patyon.
Sa pagsulat niini nga balita, ang maong insidente ang nakatala na sa buhatan sa kapolisan samtang ang suspek ang kasamtangang nagtingkagol sa Maharlika detention cell alang sa pagpaabot sa tukmang kaso.
Gipatik sa mantalaang Superbalita Cagayan de Oro Hulyo 12, 2016.
Linkback:
https://tubagbohol.mikeligalig.com/index.php?topic=82497.0
Topic: Samtang nakigtagay sa lawasnong kalipay, babaye gikulata sa kustomer nga sadista (Read 760 times)