Ni KRIS C. SIALANA
GIHAPAK og botelya ug gidunggab sa kaugalingong higala ang biktima human nga nalango na sa ilimnong makahubog samtang anaa nag-vigil niadtong miaging adlaw diha sa Balingasag, Misamis Oriental.
Samad sa ulo ug aping lakip na dinunggaban sa kilid ang naangkon sa biktima nga nailang si Joven, 39, ug residente sa nahisgutang dapit human gidunggab sa suspetsado nga giilang si Dodong, kinsa barkada ra usab niini.
Base sa impormasyong sa Northern Mindanao Medical Center (NMMC) ning siyudad sa Cagayan de Oro, diin gidala ang biktima, nasayran nga gikan nag-vigil ang duha ka silingan ug nagtagay-tagay sa ilimnong makahubog.
Nag-estorya pa kini sila apan sa dihang napa-ilawman na sa impluwensiya sa maong ilimnon miresulta kini sa panaglalis nga misangpot sa maong insidente.
Wala makabantay si Joven nga kalit nga nagkuha og botelya si Ramos ug gihapak sa ulo ug wala pa nakuntento gidunggab pa kini ginamit ang maon buak nga botelya.
Misuway og sukol ang biktima aron sukmagon kini apan giingong midagan.
Sa pagsulat niini nga balita, padayon pa nga nagpaalim sa NMMC ning siyudad ang biktimang si Joven.
Gipatik sa mantalaang Superbalita Cagayan de Oro Hunyo 06, 2016.
Linkback:
https://tubagbohol.mikeligalig.com/index.php?topic=82340.0
Topic: Sa haya nanagtagay nangahubog nanggiunay, usa buak ulo gripo kilid diriyot patay (Read 617 times)