MikeLigalig.com

Bodega sa ukay-ukay gironda sa NBI 7
Ni Astra Zina D. Logarta ug Astra Zina D. Logarta
Thursday, March 19, 2015




GIRONDA sa mga ahente sa National Bureau of Investigation (NBI) 7 ang usa ka bodega sa brgy. Paknaan, Mandaue City tungod sa ilegal nga pagtinir sa sinakong ukay-ukay nga minilyon ang kantidad.

Pinasikad sa usa ka search warrant nga giluwatan ni Mandaue City Municipal Trial Court in Cities (MTCC) Branch 1 Judge Rogelio Lucmayon, gironda sa NBI ang bodega nga puno sa mga sinakong ukay-ukay nga nag­lakip sa mga sinina, karsones ug mga sapatos.

Si NBI 7 Assistant Regional Director Eric Isidoro maoy nangulo sa team nga nihimo sa operasyon.
 
Gawas sa mga ukay-ukay sulod sa bodega, dunay laing usa ka container van ug mini dump truck nga dunay sulod nga sinakong used clothing.

Sigon sa NBI, gibanabanang mokantidad og P11 milyones ang mga ukay-ukay nga ilang nabisto.

Linkback: https://tubagbohol.mikeligalig.com/index.php?topic=79665.0

P11M Ukay-ukay
Ni Decemay P. Padilla/EIM (Banat) | Updated March 20, 2015 - 12:00am



STAR/Ferdinand Edralin


CEBU, Philippines - Dili mominus P11 milyones nga kantidad sa ukay-ukay ang gisakmit sa mga sakop sa National Bureau of Investigation(NBI)-7  gikan sa usa ka bodega sa Barangay Paknaan, siyudad sa Mandaue.

Ang maong pagpangronda gihimo pinasikad sa search warrant nga giluwatan ni Mandaue Municipal Trial Court in Cities (MTCC) Branch 1 Judge Rogelio Lucmayon.

Ang Assistant Regional Director sa NBI-7 Atty. Augusto Eric Isidoro  maoy nangulo sa maong operasyon.

Nasayran nga gawas sa mga ukay-ukay sulod sa bodega duna pay laing mga sinakong ukay-ukay ang nakompiskar nga padulong na unta ihabwa gikan sa usa ka container van ug mini dump truck.

Matud ni Isidoro, gidili ang pag-import sa maong mga ukay-ukay tungod kay gawas nga makadaot kini sa panglawas gumikan sa kemikal nga ibutang tinguha usab sa mga otoridad nga mahibalik ang dignidad sa mga Filipino tungod kay dili labayanan og mga basura ang Pilipinas.

Base sa impormasyon nga nakuha sa NBI giingong mga Koryano ang nag-import sa maong mga ukay-ukay  nga gipaagi una sa Cagayan de Oro City sa dili pa dad-on dinhi sa Sugbo.

Miabot og 400 ka bandol nga sinina ug 150 ka bandol nga sapatos ang nakuha nga giingong ibaligya og P20 mil matag usa.

Nasikop sa mga tinugyanan sa balaod ang subject sa search warrant ug giingong manager sa Mandaue Warehouse Park nga si Cecil Belocur ug ang usa ka Koryano nga si Jonghoi Goo nga giingong usa sa mga tag-iya sa warehouse.

Si Jonghoi  dihang nahinabi sa Banat News miingon nga igo lang siya nitabang sa maong negosyo sama sa pagbantay ug paghatud. Samtang si Belocura nagdumili pagluwat og pamahayag.

Ang duha pasakaan og kasong kalapasan sa Republic Act 4653 kon hugot nga pagdili sa mga commercial importation sa mga textile articles nga ukay-ukay. (BANAT NEWS)

Linkback: https://tubagbohol.mikeligalig.com/index.php?topic=79665.0

ahat ba nga illegal diay ni.  kun saligan natog palit ang mga sinena sa malls, maayo rag makapalit tag tulo sa usa ka tuig.  ang 3 thousand pesos sa mall makuha rag 150 pesos sa ukay-ukay, hands down. 

Linkback: https://tubagbohol.mikeligalig.com/index.php?topic=79665.0