Author Topic: Wa magpautang gitulis milighot gigukod naapsan sa kasagingan ug didto gi-rape (Read 1127 times)

hubag bohol · « **on:** March 17, 2015, 01:11:24 PM »

Ni Guam P. LogroÃ±o
Monday, March 16, 2015

GINANG nga wa magpautang sa laborer, gitulis ug gi-rape niadtong Dominggo sa alas 1:45 sa hapon sa Barangay Luy-a, Medellin, amihanang Sugbo.

Si Jodie (di tinuod niyang ngan), 47, minyo, hubo nga narescue sa iyang mga silingan human nakadagan gikan sa kasagingan diin siya didto giingong gi-rape sa suspek nga giilang si Allan Cabag, 26, ulitawo, usa ka laborer, taga Barangay Lamintak Norte sa mao nga lungsod.

Si Cabag nadakpan dihang naabtan sa kapulisan sa giabangang balay nga namutos sa iyang mga gamit aron sa pagsibat.

Si PO2 Joselito Ortega, imbestigador sa Medellin Police Station nga nahinabi sa Sun.Star Superbalita nagkanayon nga nadala sa suspek ang P3,200 cash, selpon sa biktima ug nakuha ang ice pick nga gigamit sa krimen.

Matod ni Ortega nga niadtong Dominggo sa buntag, ang suspek niduol sa biktima, nihangyo nga moutang unta siyag kwarta apan gibalibaran siya ni Jodie.

Si Cabag nibiya ug nibalik sa iyang giabangang lawak.

Linkback: https://tubagbohol.mikeligalig.com/index.php?topic=79653.0

hubag bohol · « **Reply #1 on:** March 17, 2015, 01:12:46 PM »

Apan ang suspek gikatahong nibalik pagkala-ala 1:45 sa hapon nga nagtaptap og sinena sa nawong ug giti-unag ice pick ang biktima dayon nideklarar og tulis.

Si Jodie nag-inusara lang niadtong higayuna.

Samtang didto sila sa sulod sa balay, nikuhag wire ang suspek ug gibinaklid sa paggapos si Jodie.

Ang biktima nakaangkog mga samad sa iyang pulÂso ingon man ubang parte sa lawas kay giingong gidapatan ni Cabag.

Nakuha ang cash, ingon man selpon sa biktima, kinsa nagpakiluoy nga di patyon sa suspek.

Ang biktima nga nagpingi-it sa kasakit sa mga kamot nihangyo kang Cabag nga ilisan ang higot.

Si Cabag nangitag pisi ug gitudloan siya ni Jodie nga toa sa kusina.

Si Cabag niadto gilayon sa kusina kay nangita sa pisi ug dinhi ang biktima nakalighot, nikaratel sa pagdagan gawas sa ilang balay pagpangayog tabang.

Nidagan siya ngadto sa kasangingan nga nangayog panabang apan gigukod siya ni Cabag. Sa dihang naapsan siya nga nag-abot pa ang ginhawa gilangkat ni Cabag ang iyang mga sapot lakip ang underwear.

Didto gidaug siya sa kusog ug giingong gilugos siya ni Cabag.

Linkback: https://tubagbohol.mikeligalig.com/index.php?topic=79653.0

hubag bohol · « **Reply #2 on:** March 17, 2015, 01:13:11 PM »

Bisan kon nilampos si Cabag sa pagbuong sa iyang pagkababaye, naningkamot si Jodie nga makalingkawas gikan sa suspek.

Nakalighot siya dihang iyang napatiran si Cabag dayon siya nikaratel sa pagdagan.

Ang biktima hubo nga nangayog panabang sa iyang mga silingan ug gipahibalo sila sa biktima nga siya gitulis ug gilugos hinungdan nga gi-report nila sa kapulisan.

Matod ni Ortega nga si Melvert Meieza, silingan sa biktima, maoy nanawag og pulis.

Positibong giila sa biktima si Cabag nga maoy nitulis ug nilugos kaniya bisan kon nagtabon sa nawong, kay ang gisul-ob niining t-shirt ug shorts mao lang gihapon nianang buntag dihang nangutang og kwarta.

Ang kapulisan daling niadto sa gipuy-an sa suspek nga naabtan nila sa giabangan niini nga namutos na sa iyang mga sapot kay padulong na unta mosibat niadtong higayuna.

Ang biktima nga na-trauma gipa-eksamin kagahapon sa pink room sa Vicente Sotto Memorial Medical Center (VSMMC).

Linkback: https://tubagbohol.mikeligalig.com/index.php?topic=79653.0

fdaray · « **Reply #3 on:** March 17, 2015, 01:52:04 PM »

Unsaon na man ni pagsumpo? Ganahan kaha ang lalake ngadili man morebound ang babaye.

Linkback: https://tubagbohol.mikeligalig.com/index.php?topic=79653.0

MikeLigalig.com

Author Topic: Wa magpautang gitulis milighot gigukod naapsan sa kasagingan ug didto gi-rape (Read 1127 times)

hubag bohol

Wa magpautang gitulis milighot gigukod naapsan sa kasagingan ug didto gi-rape

hubag bohol

Re: Wa magpautang gitulis milighot gigukod naapsan sa kasagingan ug didto gi-rape

hubag bohol

Re: Wa magpautang gitulis milighot gigukod naapsan sa kasagingan ug didto gi-rape

fdaray

Re: Wa magpautang gitulis milighot gigukod naapsan sa kasagingan ug didto gi-rape