SuperBalita Cebu
Ni Guam P. Logroño
Friday, October 17, 2014
WA makatiwas sa pagpamahaw ang usa ka drug pusher human siya gipusil makadaghan sa gituohang iyang kauban sa sindikato kay nitambling sa kita sa drugas kagahapon sa alas 9:55 sa buntag sa Sitio LaÂwis, Barangay Poblacion, dakbayan sa Toledo.
Si Nilo Baron Gako, 42, giingong drug pusher sa lugar, namatay human naigo sa nagkadaiyang parte sa kalawasan samtang namahaw sa karenderya sa ilang silingan.
Si PO3 Edmud Liston, sakop sa alert team sa Toledo Police Station, niingon nga sudlonon ang lugar nga gipamahawan sa biktima dihang gipusil sa wa mailhing gunman.
Matod ni Liston nga bisan naigo ang biktima, nakadagan pa kini sa sulod sa balay sa iyang silingan apan gisundan ug panimalay giusban pa sa pagpusil sa nagkadaiyang bahin sa lawas.
Ang kapulisan nakaÂrekuber sa crime scene og unom ka mga kabhang sa balas a kalibre .45 nga pistola ingon man usa ka slug sa bala.
Lakip sa nakuha ang cellphone, ingon man duÂha ka pakite sa shabu sa possession sa biktima.
Linkback:
https://tubagbohol.mikeligalig.com/index.php?topic=79121.0