MikeLigalig.com

MIDSAYAP, NORTH COTABATO -- Patay ang duha ka binuhing baboy human gilabay og granada ang piggery sa negusyante, alas 3:30 sa kaadlawon kagahapon.

Gibutyag ni Cotabato Provincial Police Office director Senior Superintendent Alexander Tagum nga duha ka wala mailhing tawo ang miitsa'g granada sa piggery nga gipanag-iyahan ni Rolando Manzanarez.

Mga suspetsado dali sab nga misibat human malabay ang granada sakay sa usa ka motorsiklo paingon sa hilit nga dapit sa Midsayap.

Duha ka baboy ang namatay gumikan human mibusikad ang granada.

Narekober sa kapulisan sulod sa piggery ang mga tipaka sa granada nga gisusi sa mga ginsakpan sa Explosive Ordnance Disposal Team sa Philippine Army.

Nasayran nga una mibusikad ang granada, daghang mga molupyo sa palibot sa piggery nagreklamo gumikan sa kabaho niini.

Sa pagsuwat ning balita, kapulisan sa Midsayap Municipal Police Station nga gipangulohan ni Superintendent Gilbert Tuzon padayon nga nag-imbestiga kalabutan sa hitabo. (EEF)


Gipatik sa mantalaang Superbalita Davao Disyembre 18, 2015.

iwik iwik oink oink oink ;D