Ni HERTY B. LOPEZ
PATAY ang usa ka mag-uuma human kini gitigbas ug gipusil sa iyang silingang mag-uuma Biyernes sa buntag sa dakbayan sa Danao, amihanang bahin sa Sugbo.
Gamit ang pistola ug sundang, patay diha-diha si Santos Castro, 46, minyo ug residente sa Taboc, Barangay Camaligbato syudad sa Danao, pasado alas 5:00 sa buntag sa maong adlaw.
Sa imbestigasyon sa Danao City Police, giingon nga nagkalalis si Castro ug ang silingan niini nga mag-uuma nga si Francisco Landero, 51 human gikaon sa baka ni Landero ang pananom nga mais ni Castro.
Nagkalalis ang duha ug gipusil ni Landero si Castro sa dughan nga bahin ingon man gitigbas usab kini niya sa liog resulta sa kamatayon niini.
Nitahan lang hinuon sa kapulisan si Landero ug anaa kini karon natanggong sa Danao City Police Station.
Nakuha usab ang gigamit pagpatay lakip ang pistola ug ang sundang diin gitahan kini ni Landero.
Padayon ang imbesÂtigasyon sa kapulisan kabahin sa maong insidente sa mas lawom pa nga rason ingon man motibo sa pagpatay sa suspek sa biktima.
Ang Danao giila nga dapit daghang tiggama og armas ug pipila nini gihimong nang legal.
Usa ang Danao nga dunay daghang kaso sa pagpamusil tungod sa mga armas nga padaÂyong tinagoan.
Gipatik sa mantalaang Superbalita Cebu Disyembre 20, 2015.
Linkback:
https://tubagbohol.mikeligalig.com/index.php?topic=81591.0
