Ni Amel Love Suscano (Banat) | Updated May 12, 2015 - 12:00am
CEBU, Philippines - Padayun nisiaw ang mga sakop sa laglag barya gang sulod sa mga pasaheroan nga jeep sa Metro Cebu.
Kini human usa ka Cirilo Onde Cuizon, 63-anyos ang nidangop sa Basak Police Station sa dakbayan sa Mandaue ug nitaho nga nabiktima siya sa grupo sulod sa pasaheroang jeep sa niagi’ng adlaw.
Sigun pa ni Cuizon nga nisakay siya og jeep gikan sa Palm Hills Subdivision sa barangay Basak paingon sa Mandaue City proper diha’ng may nisakay nga mga wala mailhi’ng lalaki.
Ang usa nilingkod sa iya’ng tuo’ng bahin, usa sa wala ug usa sa iya’ng atubangan.
Usa sa mga suspek nitagak og sinsilyo ug niharos-haros sa iya’ng tuo’ng paa sa makatulo’ng higayun aron puniton ang nahulog nga sinsiyo.
Wala nabatyagi sa biktima nga nakuha na sa usa sa mga suspek ang iya’ng cellphone nga mobalor og P5,000 nga gibutang sa iya’ng bulsa.
Ang mga suspek nanaug sa may Pacific Mall samtang ang uban didto nanaug duol sa skywalk sa highway Mandaue. - CNU/GMR (BANAT NEWS)
Linkback:
https://tubagbohol.mikeligalig.com/index.php?topic=79951.0
