MikeLigalig.com

Nila ni Romeo T. Limpangog, Bong Soriano ug Mei Rubie Licera   (Banat) Updated April 28, 2011 12:00 AM  Comments (0)   View comments

CEBU, Philippines - Namatay ang usa ka Norwegian national human mabuak ang ulo niini kay gawas nga walay helmet,
hubog nga mipadagan sa iyang motorsiklo hangtod nga nalamba didto sa sitio Panas, barangay Suba Basbas,
dakbayan sa Lapulapu sa miaging hapon.

Ang namatay mao si Bjornt Tore Olsen, 59, minyo nga lumad nga taga Norway ug kasamtangang
nagpuyo sa Hillvil sa barangay Pajac, sa maong dakbayan.

Si PO3 Dioscoro Arong sa traffic division sa Lapulapu City Police Office (LLCPO) miingon nga gikan
sa usa ka imnanan sa barangay Marigondon ang biktima kuyog sa laing Norwegian national nga si Eric Hansen
nga nagtagsa og sakay og motorsiklo paingon sa lungsod sa Cordova.

Matud pa ni PO3 Arong nga kusog nga nakapadagan ang duha ug naglumba kini subay sa maong dalan
apan sa paghidangat sa maong lugar kalit lang nawad-an sa panimbang ang biktima ug nalamba kini sa daplin sa karsada.

Gumikan kay walay helmet wala makasukol ang iyang ulo sa hait kaayong mga bato sa dapit diin
kini maugbok nga maoy mibuak sa iyang bagol-bagol.
(BANAT NEWS)

Ingon, gahig ulo kon di maghelmet...

Quote from: hubag bohol on April 28, 2011, 12:16:59 PM
Ingon, gahig ulo kon di maghelmet...

gabi pero ug ma pakong ma liki man lagi!!!

gitesting  lang seguro imported gud, pero pareha ra diay way warranty..

Angay gyud ta mag-amping aning motor ug dili gyud mag-inum kung mag-drive. No. 1 cause of death ning motor diri sa Asia.

Quote from: Mike Ortega Ligalig on April 28, 2011, 11:52:55 PM
Angay gyud ta mag-amping aning motor ug dili gyud mag-inum kung mag-drive. No. 1 cause of death ning motor diri sa Asia.

Mike, para nako, bisan pa ug dili ta maka inum ug bisan ug mag helmet pa ta, delikado lang jud gihapon, when it comes to safety...

Quote from: bol-anon quo nyur! on April 29, 2011, 12:56:14 AM
Mike, para nako, bisan pa ug dili ta maka inum ug bisan ug mag helmet pa ta, delikado lang jud gihapon, when it comes to safety...

Tinuod jud na Ferds! Sigi ra ko ingon ni banana magpapalit ug scooter para pamalengke pero di jud sha mo sugot kay one false move ra daw=SHUTAY dayun! ahahha

Quote from: statesville on April 28, 2011, 11:43:07 PM
gitesting  lang seguro imported gud, pero pareha ra diay way warranty..

Mao lagi, imported tuod uloha pero mao rang pagkabuaka...