Ni Brenda Batuto (Banat) | Updated February 13, 2013 - 12:00am
CEBU, Philippines - Patay ang usa ka lalaki human kini dunggaba sa iyang kainom og tuba nga drayber sa traysikad kagahapon sa hapon diha sa sitio Psalm Base, barangay Poblacion, dakbayan sa Talisay.
Ang biktima giila lang sa pangalan nga “Abay†taga, dakbayan sa Talisay ug giingong “manghingiay†sa maong dapit tungod sa usa ka dakung samad dinunggaban sa iyang buko-buko ug wala na kini makaabot nga buhi ngadto sa Talisay City District Hospital.
Ang suspetsado kinsa mitahan sa mga polis human sa hitabo mao si Luciano Tribunalo, 44, taga barangay Dumlog sa maong siyudad.
Sila si SPO1 Mikie Espina, PO1 Stephen Sefuesca ug PO1 Edwin Campomanes ang miresponde sa maong insidente ug mihatud sa biktima ngadto sa tambalanan.
Si Espina nga nahinabi sa Banat News mibutyag nga ang duha nag-inom kini diha sa lugar nga nahitaboan apan giingong gibugal-bugalan sa biktima ang suspetsado tungod kay gibiyaan kini sa iyang pamilya.
Matud pa nga bisan gibadlong na, wala mopatuo ang biktima hinungdan nga gidunggab kini sa suspek. (BANAT NEWS)
Linkback:
https://tubagbohol.mikeligalig.com/index.php?topic=67568.0
