Ni Bryner Diaz (Banat) | Updated December 8, 2013 - 12:00am
CEBU, Philippines - Dul-an sa duha ka milyon ka pesos ang nasakiyo sa duha ka mga armadong mga tulisan human nila tulisa ang tag-iya sa usa ka ihawan og manok sa barangay Inayawan sa dakbayan sa Sugbo kagahapong adlawa.
Ang biktima naila nga si Wella Rosal, 34, samtang padayon pang giila sa kapolisan ang mga tulisan nga nagsakay og motorsiklo nga daling nakaikyas.
Nahitabo ang maong tulis pipila ka metros lang sa ihawanan og manok sa biktima.
Matud pa nga P800 mil nga kwarta ang nakuha sa mga tulisan ug dul-an sa P1 milyon nga tseke nga kinitaan sa biktima sa usa ka semana.
Matud pa sa biktima nga kada-adlaw duna sila’y makolekta gikan sa ilang mga suki sa Carbon Public Market ug ideposito nila ang kwarta matag Lunes.
Sa miaging tuig ang ahente ni Rosal gitulis usab unya nakuhaan og P60 mil sa mao gihapong dapit diin siya gitulis.
“Sa una ang akong ahente, ako na jud hinuon ang gitulis karon,†subay ni Rosal sa mga tigbalita.
Linkback:
https://tubagbohol.mikeligalig.com/index.php?topic=77042.0