MikeLigalig.com

Ni Romeo T. Limpangog (Banat) | Updated November 23, 2012 - 12:00am


CEBU, Philippines - Patay ang usa ka sakop sa National Bureau of Investigation human kini mapusili sa ulo niadtong Miyerkules sa hapon diha sulod sa staff house sa Mactan Cebu International Airport sa barangay Buaya sa dakbayan sa Lapulapu.

Gisusi pa karon sa kapolisan kung naghikog ba kini o kung dunay laing tawo nga nagpasipala sa NBI agent nga si Atty. Geofrey Yap lumad nga taga Davao City ug nadestino sa maong tugpahanan isip sakop sa Anti-Human Trafficking Task Force sa NBI.

Matud pa ni Sr. Supt. Rey Lyndon Lawas ang direktor sa Lapulapu City Police Office nga si Yap kauban sa caretaker sa maong staff house nga si Richard Manto nag-inom sa sulod.

Sumala pa nga pila ka gutlo gikatahong gisugo sa namatay si Manto sa pagpalit og laing bino human mahurot ang una nilang giinom.

Apan sa pagbiya ni Manto matud pa naagian sa gwardiyang si Romero Malubay si Yap nga nag-inusara sa maong staff house ug nagkupot kini sa iyang pistola. Mao na lay nadungog ang usa ka sipang buto gikan sa gikahimutangan ni Yap.

Sa pagsusi sa mga tawo nalup-og na kini ug nagkadugo hinungdan nga gidala kini sa Mactan Doctors Hospital apan gideklarar kini nga patay na. Usa ka caliber .40 pistol ang napalgan diha sa tupad ni Yap. Si Yap adunay samad pinusilan sa walang tampihak ug tuong tampihak nga gituohang agi sa lapos nga samad pinusilan.
Banat ( Article MRec ), pagematch: 1, sectionmatch: 1

Ang patay'ng lawas ni Yap ipailawom pa sa autopsy aron pagtino sa hinungdan sa kamatayon niini samtang gikatakdang ipa-paraffin test ang mga kamot niini aron sutaon kung nakapabuto ba kini og armas.

Samtang gipa-paraffin test kagahapon sila si Manto ingon man ang gwardiyang si Malubay aron pagklaro usab sa posibleng kalambigitan nila sa kamatayon ni Yap. Usa sa gitan-aw karon matud pa ni PO2 Luis Ernie sa Homicide Section  ang posibilidad nga nadakin-as si Yap ug nakablitan niini ang armas tumong sa iyang tampihak. (/EIM) (BANAT NEWS)

Quote from: hubag bohol on November 23, 2012, 05:39:25 AM
Usa sa gitan-aw karon matud pa ni PO2 Luis Ernie sa Homicide Section  ang posibilidad nga nadakin-as si Yap ug nakablitan niini ang armas tumong sa iyang tampihak. (/EIM) (BANAT NEWS)

Watdapak??!!

Quote from: hubag bohol on November 23, 2012, 05:41:40 AM
Watdapak??!!

WAtdahell?