Hapon nagpusil sa ulo patay
Ni Jojo C. Ugdol (Banat) | Updated February 25, 2016 - 12:00am
CEBU, Philippines - Usa ka Japanese national ang nakit-ang patay sulod sa usa ka lawak sa usa ka hotel diha sa General Maxilom Avenue, ning Dakbayan sa Sugbo nga gituohang naghikog gamit ang pistola sa nakalabay nga gabii.
Ang namatay mao si Hidezo Andong Hayashi, 36, anak sa usa ka tag-iya og resort sa Punta Engaño sa Dakbayan sa Lapu-Lapu kinsa nakaangkon og samad pinusilan ubos sa iyang apapangig nga milapos sa iyang ulo.
Sa imbestigasyon sa kapulisan, mi-check in kini sa maong hotel niadtong Domingo ug kini miingon nga hangtod lang kini sa tulo ka oras, apan human napupos ang ilang oras mi-extend kini og tulo ka adlaw.
Naabot sa maong hotel si Hayashi sakay sa usa ka kolor gray nga Toyota Fortuner.
Katapusan kining nakita nga buhi pasado alas 7 Martes sa gabii human kini mi-order og tubig , apan paglabay sa upat ka oras napalgan na kining nagkadugo sulod sa iyang lawak.
Si Maricris Sabredo, hotel staff maoy nakadiskobre kaniya pasado alas 11 sa gabii sa dihang kini mipaingon sa banyo aron mangihi ug iyang naagian ang lawak sa langyaw.
Linkback:
https://tubagbohol.mikeligalig.com/index.php?topic=81929.0
