GITABANGAN sa pagkulata ang usa ka lalaki human kini mibalibad nga moinom niadtong Martes mga alas 5:35 sa hapon sa Parola, Barangay Macabalan, dakbayan sa Cagayan de Oro.
Nakaangkon og bun-og sa nagkadaiyang parte sa kalawasan si Joan Ming, 38, minyo ug residente sa susama nga dapit human kulataha sa mga suspetsado nga sila si Danilo ug Ruel kinsa pulos lumulupyo sa nahisgutang dapit.
Sa nahipos nga report gikan sa Police Station 5 (PS5) sa Macabalan, nasayran nga samtang nag-tagay tagay sa ilimnong makahubog ang mga suspetsado gihanggat kining biktima sa pag-inom apan nibalibad kini.
Giingong gikasuko kini sa mga suspetsado ug gitabangan sa pagkulata ang biktima hinungdan nga nakaangkon kini og bun-og sa nagkadaiyang parte sa kalawasan mao nga nagpatala kini sa kapolisan gumikan sa naangkong injury ug kaulawon.
Sa pagsulat niini nga balita ang insidente ang nakatala na sa PS5 samtang ang kaso ang giduso na sa Barangay Lupon sa Macabalan. (KCS)
Gipatik sa mantalaang Superbalita Cagayan de Oro Pebrero 25, 2016.
Linkback:
https://tubagbohol.mikeligalig.com/index.php?topic=81924.0
