Ni HERTY B. LOPEZ
USA ka pintor ang nikirig human nakuryentihan samtang namintal sa usa ka panimalay sa dan New Imus, Lorega, dakbayan sa Sugbo, niadtong Sabado sa hapon.
Gideklarar nga dead-on-arrival (DOA) sa ospital si Kent “Kentoy†Alburo, 19, residente sa Taboan North Poblacion, lungsod sa San Fernando human nakurÂyentihan pasado alas 4:00 sa hapon niadtong Sabado.
Sa pasiunang imbestigasyon sa Homicide Section sa Cebu City Police Office nasuta nga namintal si Alburo sa ikatulong andana sa panimalay ni Felipe Sosmeña, 50, sa naasoy nga dapit.
Matod sa kaubang trabahante ni Alburo nga si Miles Loquez, 14-anyos, kinsa suod nga higala usab sa biktima, nga samtang namintal kini sa kisame sa maong dapit nitungtong kini sa railings nga nakatiniil.
Dugang ni Loquez nga nitungtong ang biktima sa railings aron maabot ang kisame apan aksidente niini natumban ang tubo nga aduna'y live wire sa sulod hinungdan nga nakuryentihan kini ug nikirig.
Nasuta nga ang maong wire konektado sa main line sa poste sa Visayan Electric Company (Veco) diin niagi kini sa maong panimalay.
Hapit matagak ang maong biktima apan usa ka kaubanan niini ang nakasawo niya.
Dali nga gidala si Alburo sa Cebu City Medical Center (CCMC) apan DOA kini.
Gipatik sa mantalaang SuperBalita Cebu Oktubre 19, 2015.
Linkback:
https://tubagbohol.mikeligalig.com/index.php?topic=81191.0
