Ni JEEPY P. COMPIO
GIDALI og dala sa Southern Philippines Medical Center (SPMC) ang usa ka ulitawo human giingong giyab-an og aksido sa wa pa mailhing mga lalaki samtang nagsundo sa iyang hinigugma.
Ang insidente natigayon alas 7 sa gabii niadtong Biyernes, Disyembre 9, sa Poblacion sa Toril, dakbayan sa Davao.
Subay sa logbook nga natala sa Trauma Complex sa SPMC ang biktima nailhang si John Reinand Bandiola, 23, nagpuyo sa Poblacion sa Toril.
Giingong nagbaktas ang biktima aron mosundo sa iyang hinigugma, apan gisundan kini'g lima ka wa mailhing mga lalaki dayon kalit siyang gisabyagan og gituohang aksido.
Ang biktima nakaangkon og mga paso na nawong, dughan ug bukton kinsa daling gidala sa ospital sa Toril apan gibalhin kini sa SPMC.
Gisubay na sa Toril Police ang maong panghitabo aron maila ug masikop ang mga responsable sa krimen.
Gipatik sa mantalaang Superbalita Davao Disyembre 10, 2016.
Linkback:
https://tubagbohol.mikeligalig.com/index.php?topic=83536.0
Topic: Nahimong Phantom of the Opera: Nawong sa lalaki giyab-an og aksido (Read 595 times)