MikeLigalig.com

Ni Jojo C. Ugdol/EIM (Banat) | Updated April 16, 2015 - 12:00am


CEBU, Philippines - Milapos ang bala sa likod sa ulo sa usa ka lalaki human kini gipusil samtang nagdula kini og hantak diha sa Barangay Pakigne sa lungsod sa Minglanilla.

Ang biktima mao si Richie Alipin, 38, taga Upper Pakigne sa maong lungsod, usa ka wala mailhing lalaking nagsakay og motor ang gitumbok nga mipusil sa biktima.

Matud pa ni Police Officer 2 Vincent Aliñabo nga nahinabi sa Banat News naghantak sa likod sa usa ka bakeshop ang biktima uban sa laing mga kalalakin-an dihang miabot ang usa ka motorsiklo nga gisakyan og duha ka lalaking pulos nagsuot og ski mask ug ang angkas mipusil sa nawong sa biktima.

Sa dihang nahagba na kini, nanaog ang angkas ug giusban kini pagpusil ug pagkahuman namiya sa dapit.

Duha ka basiyo sa bala sa .45 kalibre ug usa ka slug ang nakuha gikan sa crime scene.

Sa imbestigasyon sa kapulisan si Aliñabo gawas sa personal nga kabingkil, gikatahong tiggamitan og drugas ang biktima ug gidudahang duna kini naagrabyado sa maong ilegal nga kalihokan. (BANAT NEWS)