Lolo gipatay; balay gisunog
STEPHANIE VIOVICENTE-BERGANIO
MILIKI ang ulo ug dili tiaw ang naangkon nga mga samad dinunggaban sa lawas ang naangkon sa 62-anyos nga lolo diha sa Sitio Kiotao, Damitan, Brgy. Dalwangan siyudad sa Malaybalay.
Giila ang biktima nga mao si Antonio Sabal, minyo, lumad nga taga Brgy. Lindongan, lungsod sa Baroy, Lanao del Norte.
Si SPO2 Gordon Marigomen, imbestigador sa Malaybalay City Police Station nga nahinabi sa Sun.Star SuperBalita, niingon nga ang biktima nakaangkon og duha ka mga samad tinigbasan sa ulo hinungdan sa pagliki niini, pito ka mga samad dinunggaban sa dughan, duha sa walang bahin sa kamot nga maoy hinungdan sa iyang kamatayon.
Wala pa nakontento ang suspetsado ug gisunog pa ang iyang payag sa biktima ug mga binuhing mananap sama sa kanding, baka ug kabayo. --
http://www.sunstar.com.ph/superbalita-cagayan-de-oro/balita/2015/04/15/Linkback:
https://tubagbohol.mikeligalig.com/index.php?topic=79826.0
