http://bisayanews.com/cebuano-news/naligsan-og-porlon-patay/KIDAPAWAN CITY – Patay ang usa ka mag-uuma human siya gibanggaan sa porlon nga dunay kargang patay alas 9:30 sa gabii niadtong Lunes didto sa probinsiya sa Cotabato.
Giila ang biktima nga mao si Regan Pangundas Saliling, 37, minyo ug molupyo sa Sitio Gawasan, Barangay Bintagan, Carmen.
Nasayran gikan sa spot report gikan sa North Cotabato Provincial Police Office nga sakay ang biktima sa iyang bisikleta ug patabok sa National Highway sa Barangay Balogo, Pigcawayan niadtong tungura.
Apan kalit siyang gibanggaan sa naghaguros nga porlon sa Saint Peter Funeral Homes.
Dead on the spot si Saliling dihang sentro siyang nabanggaan sa porlon ug nalagpot.
Ang porlon sa Saint Peter dunay kargang patay gikan sa Cotabato Regional and Medical Center (CRMC) sa Cotabato City.
Gikanayon sa mga sibilyan nga nakakita sa hitabo nga nakainom ang biktima nga sakay sa iyang bisikleta dihang mitabok sa kalsada ug nabanggaan sa porlon.
Boluntaryo sab nga mi-surrender ang drayber sa porlon ngadto sa kapulisan nga wala gibutyag ang pangalan gumikan sa seguridad nga padayon nga gi-imbestigahan sa traffic unit sa Pagcawayan Police Station.
Linkback:
https://tubagbohol.mikeligalig.com/index.php?topic=79138.0
Topic: Nabanggaan sa naghaguros nga porlon nga dunay kargang patay, patay (Read 572 times)